Xəbərlər / Şagird
17 iyun 2022
996
Lisey və gimnaziyalara imtahanlar başladı
Bu gündən ölkə üzrə bəzi lisey və gimnaziyalara qəbul imtahanlarına start verilib.
Bu barədə Təhsil Nazirliyi məlumat yayıb.
Bildirilib ki, imtahanlar 18, 19 və 20 iyun tarixlərində davam edəcək.
Qəbul imtahanlarında 20 minə yaxın şagirdin iştirakı gözlənilir.
IV-VIII sinif şagirdləri arasında keçirilən imtahanlar Bakı şəhəri ilə yanaşı, Gəncə, Şirvan və Şəki şəhərləri, Quba, Şəmkir, Oğuz, Biləsuvar, Şamaxı, Ağdaş və Ağstafa rayonlarında da təşkil olunur.
Şagirdlər imtahan nəticələrini 24 iyun tarixindən etibarən qeydiyyatdan keçdikləri şəxsi kabinetləri vasitəsilə öyrənə biləcəklər.
