“Gənclik və Maarifçilik” İB tərəfindən “Ətraf mühit və biomüxtəliflik” adlı layihə icra edilmişdir.
“Gənclik və Maarifçilik” İctimai Birliyi tərəfindən son illərdə ətraf mühitə, ərzaq təhlükəsizliyinə və biomüxtəlifliyə, bu sahələrdə əhalinin, xüsusən də gənclərin maarifləndirilməsinə həsr olunmuş bir neçə maraqlı layihə icra edilib.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyələşdirdiyi ““Ətraf mühitin qorunmasının dəyərləri və biomüxtəlifliyin möcüzəli aləmi” adlı kitabın hazırlanması və nəşri” adlı layihə də bu sırada növbəti addım olub.
Kitabın Azərbaycan Dövlət Pedaqoji Universitetində 24.05.2022-ci il tarixində gerçəkləşdirilən təqdimatında universitetin tələbə və müəllim heyəti iştirak edib. Toplantıda “Gənclik və Maarifçilik” İctimai Birliyinin tarixi, məqsəd və fəaliyyət istiqamətləri, Birlik tərəfindən son illərdə həyata keçirilmiş layihələr və s. barədə Vaqif Əmikişiyevin geniş məlumatla çıxışı dinlənilib.
Kitabın nüsxələri Quba-Xaçmaz, Lənkəran-Astara, Gəncə-Qazax regionundakı ali və orta təhsil müəssisələrində paylamaq üçün göndərilib. Universitetlərin kitabxanalarına, Axundov adına Mərkəzi Kitabxanaya, AMEA-nın Mərkəzi Kitabxanasına, digər kitabxanalara çatdırılma oxucu kütləsini xeyli artıracaqdır.
