Xəbərlər
26 aprel 2021

UNEC-də imtahan testləri məxfi saxlanılacaq

UNEC-də imtahan testləri məxfi saxlanılacaq

 

Azərbaycan Dövlət İqtisad Universitetində (UNEC) 2020/2021-ci tədris ilinin yaz semestrinin 4-cü modulunda imtahan testləri məxfi saxlanılaraq, tələbələrə verilməyəcək. Bu barədə UNEC-in Elmi Şurasında qərar qəbul edilib.

 Universitetdən bildirilib ki, həmin qərar 2014-cü ildən başlanmış islahatların bu dövrə təsadüf edən mərhələsi ilə bağlıdır. Belə ki, həmin dövrə qədər semestrdə hər fənn üzrə 1200 testin hazırlanmasına dair verilmiş qərar əksər fənlər üzrə testlərin keyfiyyətini kəskin aşağı salmaqla yanaşı, neqativ hallara zəmin yaratmışdı. Məsələnin həlli məqsədilə ilkin mərhələdə testlərin sayı 700-ə endirildi və universitetdə tədris mühitində köklü dəyişikliklər təmin edilənə qədər bütün testlərin düzgün cavabları qeyd olunaraq imtahan sessiyasından əvvəl tələbələrə verilməsinə dair müvəqqəti xarakter daşıyan qərar qəbul edildi. Nəticədə neqativ hallar aradan qaldırıldı və obyektivlik təmin olundu.

Növbəti mərhələdə UNEC-ə məxsus olan yeni elektron imtahan sistemi formalaşdırıldı, tədris prosesi elektronlaşdırıldı və imtahanda obyektivliyi təmin etmək üçün kifayət edən şərait yaradıldı. Beynəlxalq İqtisadiyyat Məktəbi, Türk Dünyası İqtisad Fakültəsi, UNEC SABAH qrupları, Beynəlxalq Magistratura və Doktorantura Mərkəzi və UNEC Biznes Məktəbində (MBA) test üsulundan imtina edilərək imtahanların bütünlüklə yazılı üsulda keçirilməsinə dair qərar verildi. Növbəti mərhələdə struktur təkmilləşdirilməsi və keyfiyyət təminatı prioritet vəzifələr kimi müəyyən edildi. 

2016-cı ildən başlayaraq, təqaüd müsabiqəsinin Ümumi Orta Müvəffəqiyyət Göstəricisi əsasında keçirilməsinə dair Nazirlər Kabinetinin verdiyi qərardan sonra, yazılı imtahan verən bakalavr və magistrantlarla test üsulunda imtahan verən təhsilalanlar arasında normal rəqabət mühitini təmin etmək məqsədilə həm texniki, həm də iqtisadiyyat ixtisaslarında aparıcı fənlər üzrə imtahanların yazılı üsulda və ya məxfi testlərlə keçirilməsinə başlanıldı. Növbəti mərhələdə isə yazılı imtahanların elektronlaşdırlması və kütləviləşdirilməsi işlərinə start verildi və bu məqsədlə yeni proqram təminatının alqoritmi razılaşdırıldı.

Məlumdur ki, COVID-19 pandemiyası şəraitində təhsildə fasiləsizliyi təmin etmək üçün UNEC-də 2020-ci ilin mart ayından tədris distant formada davam etdirildi. Bu səbəbdən bütün universitet üzrə imtahanların yenidən test üsuluna keçirilməsi zərurəti yarandı. Qısa müddət ərzində UNEC tələbələrinə məkandan asılı olmayaraq, distant formada test üsulunda imtahanda iştirak etmək imkanı verildi və imtahan testlərinin sayı 700-dən 350-yə endirildi. Daima yazılı üsulda və ilk dəfə test üsulunda keçirilən fənlər üzrə imtahan testlərinin sayı 225 müəyyən edildi. Bütün təhsilalanlar üçün imtahanda təqdim olunan testlərin sayı isə 50-dən 40-a endirildi.  

2020/2021-ci tədris ilindən başlayaraq, UNEC-də tədris modul sisteminə əsasən aparılır. Pandemiyanın nə zaman bitəcəyi qeyri-müəyyən olduğundan distant təhsildə keyfiyyət təminatı məqsədilə mərhələli şəkildə testlərin məxfiliyinin təmin edilməsi qərara alındı. Həmin qərara əsasən, 1-ci modulda testlər düzgün cavab variantı ilə birlikdə tələbələrin şəxsi kabinetlərinə göndərildi. 2-ci modulda test sualları düzgün cavablar qeyd edilmədən, variantlarla birlikdə, 3-cü modulda isə cavab variantları ümumiyyətlə göstərilmədən, yalnız test sualları şəklində tələbələrə göndərildi. 4-cü modulda isə test suallarının və cavabların məxfi saxlanılması barədə qərar qəbul edildi.

4-cü modul imtahanlarında hər bir fənnin mühazirə mətnləri və təqdimatları əsasında cəmi 100 ədəd tam yeni test hazırlanacaq.

Testlərin sayı sillabusda olan mövzular üzrə bərabər bölünəcək. Bu halda əksər fənlər üzrə 1 mövzudan cəmi 6-7 test tərtib olunacaq ki, onlardan da 3-ü asan, 2-si orta, 2-si isə çətin test olacaq. İmtahan zamanı hər bir tələbəyə sillabusdakı müxtəlif mövzulara aid cəmi 40 test təqdim olunacaq. Bu testləri cavablandırmaq üçün təhsilalanlara fənnən asılı olaraq, minimum 50, maksimum 80 dəqiqə vaxt veriləcək.

Əgər imtahan zamanı tələbəyə təqdim olunmuş testin hər hansı birinin və ya bir neçəsinin həmin fənnin sillabusunda göstərilən mövzulara aidiyyəti olmadığı halı aşkarlanarsa, bu halda apelyasiya qərarı tələbənin xeyrinə veriləcək.

Məxfi testlərlə imtahanların təşkili bakalavriat və magistratura səviyyələrində yalnız əyani təhsilalma forması üzrə tətbiq ediləcək. 

 


Загрузка...
loading...

Həmçinin oxuyun:
Direktorların işə qəbulu üzrə test imtahanları keçirilir

Direktorların işə qəbulu üzrə test imtahanları keçirilir

Biliyin qiymətləndirilməsi üzrə testlərlər – UNEC-də təlimlər

Biliyin qiymətləndirilməsi üzrə testlərlər – UNEC-də təlimlər

DİM qəbul imtahanlarındakı testlərin izahını yaydı

DİM qəbul imtahanlarındakı testlərin izahını yaydı

I ixtisas qrupunda təhsil almaq istəyənlərə UNEC-dən fürsət: Yeni kampusda 9 yeni ixtisas üzrə bakalavr təhsili

I ixtisas qrupunda təhsil almaq istəyənlərə UNEC-dən fürsət: Yeni kampusda 9 yeni ixtisas üzrə bakalavr təhsili

Pandemiya abituriyentlərin əsəblərini pozub -EKSPERT

Pandemiya abituriyentlərin əsəblərini pozub -EKSPERT

UNEC İctimai Nəzarət Şurasının üzvləri ilə imtahan sessiyasına hazırlıq müzakirə edildi

UNEC İctimai Nəzarət Şurasının üzvləri ilə imtahan sessiyasına hazırlıq müzakirə edildi

UNEC tələbələrinə əlavə güzəştlər

UNEC tələbələrinə əlavə güzəştlər

Tələbələrə imtahan dövründə hansı güzəştlər ediləcək ?

Tələbələrə imtahan dövründə hansı güzəştlər ediləcək ?

“Bir Cousera sertifikatı qazanan tələbə yalnız bir imtahandan azad oluna bilər”

“Bir Cousera sertifikatı qazanan tələbə yalnız bir imtahandan azad oluna bilər”

UNEC-də distant dərslərin evdən tədrisinin statistikası

UNEC-də distant dərslərin evdən tədrisinin statistikası

Distant dərslərin evdən təşkilində uğurlu nəticə - 98%!

Distant dərslərin evdən təşkilində uğurlu nəticə - 98%!

İqtisad Universiteti evlərdən distant təhsilə başlayır

İqtisad Universiteti evlərdən distant təhsilə başlayır

İmtahanların da distant keçirilməsi mümkündür

İmtahanların da distant keçirilməsi mümkündür

Abituriyentlərin bilməsi lazım olan 10 mühüm fakt

Abituriyentlərin bilməsi lazım olan 10 mühüm fakt

UNEC-in Zaqatala tələbəsi bir semestrlik Bakıda təhsil alacaq

UNEC-in Zaqatala tələbəsi bir semestrlik Bakıda təhsil alacaq

Vəkilliyə qəbul üzrə keçiriləcək yazılı test imtahanının qaydaları AÇIQLANDI

Vəkilliyə qəbul üzrə keçiriləcək yazılı test imtahanının qaydaları AÇIQLANDI

LDU-da imtahanların gedişini izləmək üçün İctimai Şura yaradıldı

LDU-da imtahanların gedişini izləmək üçün İctimai Şura yaradıldı

ADPU-da imtahan sessiyası başladı

ADPU-da imtahan sessiyası başladı

Universitetlərdə qış imtahanları başladı - Hansı ali məktəb daha yaxşı hazırlaşıb...

Universitetlərdə qış imtahanları başladı - Hansı ali məktəb daha yaxşı hazırlaşıb...

“Qəbul imtahanlarında 700 ballıq sistem saxlanılacaq” - YENİLİKLƏR

“Qəbul imtahanlarında 700 ballıq sistem saxlanılacaq” - YENİLİKLƏR

Yeni qaydaya əsasən tələbələr ali təhsil müəssisəsini 4 ildən tez qurtara biləcəklər

Yeni qaydaya əsasən tələbələr ali təhsil müəssisəsini 4 ildən tez qurtara biləcəklər

700 bal toplayan abituriyentlər UNEC-də

700 bal toplayan abituriyentlər UNEC-də

ADPU-da payız semestrinin imtahan sessiyası başa çatdı

ADPU-da payız semestrinin imtahan sessiyası başa çatdı

Bütövlükdə imtahanların şəffaf və obyektiv keçirilməsi ADPU rəhbərliyinin diqqət mərkəzindədir

Bütövlükdə imtahanların şəffaf və obyektiv keçirilməsi ADPU rəhbərliyinin diqqət mərkəzindədir