Xəbərlər, Müəllim, Şagird
15 mart 2021

Rollu oyunlar və onların faydaları

Rollu oyunlar   və onların faydaları

 

ROLLU OYUN NƏDİR?

Rollu oyun uşaqların özlərinə rol təyin etdikləri, həmən rolu mənimsəyib canlandırdıqları bir oyun növüdür. Özünü başqa biri və ya başqa bir şey kimi göstərməkdir. Bu, nağıl qəhrəmanı kimi fərqli biri və ya ana rolu ola bilər. Uşaqlar bəzən real həyatda öz əksini tapmış, bəzən isə öz təxəyyüllərinin məhsulu olan rolları oynayırlar. Hər bir halda, reallığın bütün sərhədlərini qıran, təbii və eyni zamanda vacib oyun növüdür.

Rollu oyunun nümunələri: 

Gəlinciyə yemək verən, yatması üçün onu tərpədən uşaq
Oyuncaq mətbəxdə sınan su kranını düzəldən uşaq
Bir it gördüyünü fərz edən və onun arxasıyca qaçan uşaq
Say çöplərini bir qabda qarışdırıb "sup” bişirən uşaq
Rollu oyun bir çox formada ola bilər və rola girmək sadəcə "oyun" kimi görünsə də, inkişafetdirici öyrənmə prosesinin əsas tərkib hissəsidir. Bu, təşviq edilməlidir və uşaqların bu prosesdə istirak etməsi üçün çoxlu imkanlar yaradılmasına ehtiyac var. Rollu oyun yeni situasiyaların qavranılması ücün yaxşı üsuldur: əgər ailə səyahətə hazırlaşırsa, bundan öncə bir neçə dəfə səyahət oyunu oynamaq lazımdır. Bu halda informasiya uşaq tərəfindən mənimsəniləcək və o, adi həyatda bu informasiyadan istifadə edəcək.

ROLLU OYUNUN NÖVLƏRİ

Rollu oyunun iki növü var – struklaşdırılmış və struklaşdırılmamış rollu oyun: Strukturlaşdırılmış oyunun əvvəlcədən müəyyən edilmiş quruluşu və gözlədiyiniz nəticəsi var. Valideyn və ya müəllim uşaqların oynaması üçün ssenari hazırlayır – məsələn, "hava limanı” qurur- və uşaqlar orada mövcud olan rolları seçir və sonra həmin ssenaridə yaranan problemlərlə oyunu davam etdirirlər.

Struklaşdırılmamış oyun zamanı isə uşaqlar öz planlı ssenarilərini seçməkdə azaddırlar və tez-tez əllərində olanlara əsasən öz oyunlarını qururlar. Qonaq otağınızdakı divan bir pirat gəmisinə və ya bir ayaqqabı bağı baytarlıq otağında stetoskopa çevrilə bilər. 

Hər ikisinin problemləri və üstünlükləri var və ikisi də erkən uşaqlıq dövründə istifadə edilməlidir.

ROLLU OYUNUN FAYDALARI

Mütəxəssislər, rollu oyunu keyfiyyətli məktəbəqədər proqramların önəmli bir hissəsi hesab edirlər, çünki bu erkən uşaqlıq dövrü inkişafı üçün vacibdir. Rollu oyunun faydalarının bir neçəsini sizə təqdim edirik.

ROLLU OYUN ÖZÜNÜTƏNZİMLƏMƏNİ ÖYRƏDİR.

Məktəbəqədər uşaqlar ani hərəkət edirlər, buna görə də rollu oyun öz duyğularını və hərəkətlərini tənzimləməyi öyrənmək üçün əla bir təməldir. Maraqlıdır ki, uşaqlar rollu oyun zamanı özləri üçün müəyyən etdikləri rola sadiq olmağa motivasiyalı olur, bu rolu riayət olunmalı qaydalar kimi görürlər. Bu onlara başqaları ilə əlaqələr qurmağa və planlaşdırmağa, həmçinin impulslarını idarə etmək bacarığını inkişaf etdirməyə kömək edir.

ROLLU OYUN NİTQ QABİLİYYƏTİNİ İNKİŞAF ETDİRİR.
 
Rollu oyun ekspressiv dili inkişaf etdirir və ondan istifadəni gücləndirir. Uşaqlar öz istəklərini həmyaşıdlarına çatdırmağa həvəslidirlər və buna görə də oynadıqları rolda danışmağı öyrənməlidirlər. Rollu oyun qrup işi zamanı utancaq və çəkingən olan uşaqlar üçün çox rahat bir mühitdir.

ROLLU OYUN MÜNAQİŞƏLƏRİ HƏLL ETMƏYİ ÖYRƏDİR.

Həm strukturlaşdırılmamış, həm də strukturlaşdırılmış rollu oyun, münaqişənin həlli ilə bağlı öyrədilə biləcək məqamları özündə cəmləyir. Rollu oyun zamanı fikir ayrılıqları və münaqişələr qaçılmazdır ki, bu da uşaqlara fərqliliyi görmək və güzəştə getmək üçün şans verir. 

ROLLU OYUN RİYAZİ VƏ OXU BACARIQLARINI DƏSTƏKLƏYİR

Dramatik oyun, uşaqların funksional riyazi bacarıqları və yazıların çap forması ilə tanışlığı üçün mükəmməl hesab olunur. Bir restoranda ofisiant rolu oynayan uşağı düşünün. Sifariş aldıqdan sonra həm hərflərlə, həm də rəqəmlərlə əlaqə quracaq. Rollu oyun oxuyub anlamanı da inkişaf etdirir, çünki uşaqlar sevdikləri nağıl və hekayə üzərində oyun qurmağı çox sevirlər.

UŞAQLARI ROLLU OYUNA NECƏ HƏVƏSLƏNDİRMƏK OLAR?

Rollu oyunun bir çox vacib faydaları var, imkan daxilində onu təşviq etmək bir o qədər də vacibdir! Bunu etmək çox asandır, çünki uşaqlar buna təbii olaraq meyil edirlər. Bəzi məktəbəqədər təhsil ocaqlarında böyük dram mərkəzləri olur. Ancaq rollu oyun evdə də təşkil edə bilər! Böyük bir kostyum otağınız olmaya bilər. Lakin, bir qutu şallardan, şapkalardan və ya maskalardan başlaya bilərsiniz. Bir neçə kukla və ya yumşaq heyvanlar əlavə edin. Uşaqlarınıza özləri üçün əşyaları müəyyən etməyə və istədikləri kimi görünməyə icazə verin.






Загрузка...
loading...

Həmçinin oxuyun:
4-5 yaşlı məktəbəqədər uşaqların inkişafinda  baş verənlər

4-5 yaşlı məktəbəqədər uşaqların inkişafinda baş verənlər

Övladımızı kompüter əsarətindən necə qoruyaq?

Övladımızı kompüter əsarətindən necə qoruyaq?

Təhsil işçiləri arasında Milli Qurtuluş Gününə həsr olunan intellektual oyun

Təhsil işçiləri arasında Milli Qurtuluş Gününə həsr olunan intellektual oyun

“Minecraft Education Edition” oyun-əsaslı tədris mühitindən pulsuz faydalanmaq imkanı

“Minecraft Education Edition” oyun-əsaslı tədris mühitindən pulsuz faydalanmaq imkanı

Məktəbəqədər yaşlı uşaqların xüsusiyyətləri.

Məktəbəqədər yaşlı uşaqların xüsusiyyətləri.

Uşaq psixologiyası

Uşaq psixologiyası

KOMPÜTER OYUNLARI VƏ UŞAQLAR

KOMPÜTER OYUNLARI VƏ UŞAQLAR

Psixoloqdan valideyn və müəllimlərə vacib tövsiyələr

Psixoloqdan valideyn və müəllimlərə vacib tövsiyələr

“Bağça yaşlı uşaqlara yalnız həll edə biləcəkləri tapşırıqları verin” – Mütəxəssis MƏSLƏHƏTLƏRİ

“Bağça yaşlı uşaqlara yalnız həll edə biləcəkləri tapşırıqları verin” – Mütəxəssis MƏSLƏHƏTLƏRİ

Uşaqlarınızda bu əlamətlər varsa - Diqqətli olun

Uşaqlarınızda bu əlamətlər varsa - Diqqətli olun

Uşaqların dostluq qurmaqda çətinlik çəkmələrinin SƏBƏBLƏRİ

Uşaqların dostluq qurmaqda çətinlik çəkmələrinin SƏBƏBLƏRİ

Uşaqlarda davranış və hiperaktivlik

Uşaqlarda davranış və hiperaktivlik

Uşağınızla yaşına uyğun davranın - DİQQƏT!

Uşağınızla yaşına uyğun davranın - DİQQƏT!

Oyun terapiyası uşağa necə kömək edir?

Oyun terapiyası uşağa necə kömək edir?

Şagirdlərin diqqətini dərsə yönəldən vasitə - OYUN-DƏRSLƏR

Şagirdlərin diqqətini dərsə yönəldən vasitə - OYUN-DƏRSLƏR

İnternetdə

İnternetdə "Mavi balina" bəlası: Uşaqları necə qoruyaq?

"Mavi balina" haqqında bilmədiklərimiz - UŞAQLAR NİYƏ İNTİHAR EDİR?

Uşağınızla yaşına uyğun davranın

Uşağınızla yaşına uyğun davranın

Uşağa

Uşağa "mən" olmağa icazə verin - MƏSLƏHƏT

Uşağı gec dil açan VALİDEYNLƏRİN DİQQƏTİNƏ

Uşağı gec dil açan VALİDEYNLƏRİN DİQQƏTİNƏ

Uşaqlar məktəbdən niyə qorxur?- Psixoloqdan valideynlərə məsləhət

Uşaqlar məktəbdən niyə qorxur?- Psixoloqdan valideynlərə məsləhət

Sentyabrın ən çox satılan oyun avadanlığı “SNES Mini” oldu

Sentyabrın ən çox satılan oyun avadanlığı “SNES Mini” oldu

Şabranda

Şabranda "Coca-Cola Məktəbli Kuboku" üzrə növbəti oyun baş tutub.

Oyun xarakterli dərslərin şagirdlərin təfəkküründəki rolu

Oyun xarakterli dərslərin şagirdlərin təfəkküründəki rolu