Xəbərlər
16 yanvar 2017
3 031
Şabranda da Respublika fənn olimpiadalarının birinci mərhələsi keçirilib
Yanvarın 15-də ölkənin bütün şəhər və rayonlarında olduğu kimi Şabranda da Respublika fənn olimpiadalarının birinci mərhələsi keçirilib. Olimpiadada Azərbaycan dili və ədəbiyyatı, riyaziyyat, coğrafiya, tarix, fizika, kimya, biologiya fənləri üzrə rayonun 33 ümumtəhsil məktəbindən 234 şagird iştirak edib. Olimpiada M. Nəzirov adına şəhər 4 nömrəli tam orta məktəbdə saat 10:00-da başlanıb, 13:00-da başa çatıb.
Şagirdlər Azərbaycan dili və ədəbiyyatı, coğrafiya, tarix fənləri üzrə 90 dəqiqə, riyaziyyat, fizika, kimya, biologiya fənləri üzrə isə 3 saat ərzində təqdim olunmuş kitabçadakı sualları cavablandırıblar.
Gülər Hüseynova .Şabran
