Xəbərlər / Valideyn / Müəllim
01 dekabr 2018
2 681
“Ev tapşırıqlarını etmək istəmirəm!”
Valideynlər nə etməlidir?
– İlk öncə hər gün məktəbdən gələn şagirdin istirahət etməsi, yemək yeməsi mütləqdir.
– Ev tapşırığını özü yerinə yetirən uşaqlar daha bacarıqlı olur. Bu səbəblə də oxumaq- yazmaq öyrənilənə qədər valideynlər ev tapşırığını yerinə yetirirərkən övladlarının yanında dayana bilərlər. Lakin bu zaman valideynlərin sakit və səbirli ola bilmələri şərtdir. Sonralar isə lazımi mühit yaradıb uşaq ehtiyac duyduqca sadəcə ehtiyac duyduğu qədərinə yardım edilə bilər.
– Evdəki zaman planlaşdırılmalıdır. Oyun oynamaq, yemək yemək və yatmaq saatları öncədən planlanarsa vaxtdan qənaətlə istifadə etmək dərsə rahatlıqla vaxt ayırmağa kömək olacaqdır.
– Ev tapşırığını yoxlayarkən yanlışları özlərinə tapdırmaq daha doğrudur. Uşaqda bilgi əskikliyi yoxdursa uşaq təkrarən o sual üçün düşündüyü zaman onsuz da cavabı tapacaq. Və bu hal onu xoşbəxt edəcək
– Tapşırıqlar yerinə yetirilərkən fasilələr verilməlidir. İbtidai sinifdə oxuyan şagirdin diqqəti elə də uzunmüddətli olmur. Bunu gözdən qaçırmaq olmaz
– Uşaqların uğurlu olması üçün tapşırıqları valideynlər etməməlidir. Tapşırıqlar valideynlərin yox, uşaqların özünü inkişaf etdirməsi üçün verilir.
– Ev tapşırığını qorxudaraq elətdirmək olmaz. Bu uşağın gələcək təhsil həyatına mənfi təsir göstərə bilər. Ona görə də sakit olmaq şərtdir.
Əgər bütün bunlara baxmayaraq problem davam edirsə müəllimlə görüşmək, yenə də nəticəsiz qaldıqda isə mütəxəssis yardımı almaq vacibdir
