Xəbərlər
20 oktyabr 2016
5 205
Göygöl rayonunda diaqnostik qiymətləndirmə ilə bağlı iclas keçirilib.
Oktyabrın 19-da Göygöl rayon Gənclər Mərkəzində Təhsil Naziliyinin İnformasiya şöbəsinin əməkdaşları tərəfindən diaqnostik qiymətləndirmə ilə bağlı iclas keçirilib. Göygöl, Samux və Daşkəsən rayon təhsil şöbələrinin əməkdaşlarının və məktəb direktorlarını iştirakı ilə noyabr-dekabr aylarında ölkənin 26 rayon və şəhərində dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsi ilə bağlı keçiriləcək imtahanlarda müəllimlərin iştirakının təşkili ilə bağlı rayon təhsil nümayəndələrini təlimatlandırıblar.
İclasda DQ-nin mahiyyəti və məqsədini, gələcək nəticələrini imtahanda iştirakın şərtləri, müəllimlərə dəstəyin göstərilməsi, müəllimlərin İKT üzrə hazırlığının təşkili məsələləri müzakirə olunub.
Diaqnostik qiymətləndirmədən sonra əməkhaqqı artırılan müəllimlərin sayının 100 minə çatacağı nəzərdə tutulur.
Yerli təhsili idarəetmə orqanları imtahanda iştirak edəcək müəllimlər haqqında məlumatların www.dq.edu.az saytına daxil edilməsi, məlumatların dürüstlüyünün təmin edilməsi, eləcə də diaqnostik qiymətləndirilmənin məqsədinin müəllimlərə düzgün formada çatdırılması öhdəliyini daşıdıqları bildirilib.Ümumi təhsil müəssisələrində işləyən müəllimlərin bilik və bacarıqlarının diaqnostik qiymətləndirilməsinin aparılması qaydaları haqqında məlumatı https://dq.edu.az/files/1.2.3.pdf"> https://dq.edu.az/files/1.2.3.pdf linkinə daxil olaraq əldə edə bilərsiz.
Raminə Məmmədova .Göygöl.
