Adı rayon məktəbində, özü şəhərdə... -Şagirdlərin hazırlıq məsələsi
Şagirdlər orta təhsillərinin bir neçə ilini repititor yanına getməklə keçirirlər.
Ali təhsil müəssisəsinə qəbul olmaq istəyən abituriyenlər üçün bu gün repititor yanına getmək artıq qızıl qaydaya çevrilib. Özəl kurs, repititor yanına getmək çox vaxt şagirdləri dərsdən yayındırır. Valideyn qayıb yazılmaması üçün övladını hanısa bir məktəbdə deydiyyatdan keçirməklə
övladını özəl kurslara qoyur. Nəticədə, orta təhsil müəssisələrinə maraq azalır.
"Bu gün adı məktəbdə olub, özü repititor yanında olan yüzlərlə şagird var”.
Aztəhsil.com xəbər verir ki, bunu metbuat.az- a açıqlamasında təhsil eksperti Əjdər Ağayev bildirib.
Onun sözlərinə görə, bu hadisələrlə dəfələrlə qarşılaşıb:
"Özəl təhsil müəssisəsinin yaranması dövlətin icazəsi ilə olmalıdır. Onun əlində qeydiyyat sertifikatı olmalıdır. İcazə verilməyibsə, özfəaliyyət kimi təşkil olunan kurslara getmək lazım deyil. Valideynlər uşaqlarını kursa qoymazdan öncə müəssisənin ümumi sənədi ilə tanış olmlıdırlar. Bu cür hallar ona görə baş verir ki, kimsə, hanısa yolla qazanc əldə etmək istəyir. Bunlar o işi təşkil edənlərin qazancına görə ortaya çıxır. Əslində, bu işi məktəb görməlidir. Repititorun yanına getmək uşaqları təhsildən yayındırır. Bu hadisələrlə mən də qarşılaşmışam. Adı məktəbdə olub, özü repititor yanında olan uşaqlar var. Ya da, adı rayon məktəbində qeydiyyatdadı, özü paytaxtda repititor yanındadır. Bunlar saysı-hesabsızdır. Bu cür hallarla qarşılaşan valideynlər etirazlarını bildirsələr, problemin nəticəsi ola bilər".
