Xəbərlər
23 oktyabr 2017
3 838
Azərbaycanda orta məktəbdə faciə
Ucar rayonunda orta məktəbdə ölüm hadisəsi baş verib.
Aztəhsil.com apa-ya istinadən xəbər verir ki, hadisə bu gün səhər saatlarında Ucar şəhərinin 2 saylı tam orta məktəbində qeydə alınıb.
Məktəbdə aborant kimi çalışan Ucar rayon sakini, 1951-ci il təvəllüdlü Zeynəb Əjdər qızı Müslümovanın məktəbdə qəflətən halı pisləşib. Məktəbə təcili tibbi yardım briqadası çağırılsa da, həkimlər gələnə kimi Z.Müslümova dünyasını dəyişib.
Onun ürək tutmasından öldüyü ehtimal edilir. Fakt araşdırılır.
