Xəbərlər
27 may 2017
3 163
İmtahandan kəsilən qız intihara cəhd etdi
Tovuz rayonunda 17 yaşlı şagird buraxılış imtahanından kəsildiyi üçün intihara cəhd edib. Aztehsil.com "Report"a istinadən xəbər verir ki, Tovuz rayon sakini, 2000-ci il təvəllüdlü, Ağayeva Təhminə Sucəddin qızı, bu gün keçirilən buraxılış imtahanından kəsilib. Axşam saatlarında isə anasının istifadə etdiyi müxtəlif həbləri içərək intihara cəhd edib.
Yaxınları tərəfindən Tovuz Rayon Mərkəzi Xəstəxanasına aparılan qıza dərhal həkimlər tərəfindən tibbi yardım göstərilib və o, palataya yerləşdirilib. Həkimlər qızın vəziyyətinin orta-ağır olduğunu bildirir.
Faktla bağlı araşdırma aparılır.
