Xəbərlər
27 aprel 2017
3 971


Qubada müəllimin intiharının SƏBƏBLƏRİ məlum oldu

Qubada müəllimin intiharının SƏBƏBLƏRİ məlum oldu

 

Quba rayonunda orta məktəb müəlliminin oteldə intihara cəhd etməsinin səbəbləri məlum olub.
 
Aztehsil.com trend-ə istinadən xəbər verir ki, intihara cəhd edən Ruslan Zərbəliyev son günlər özünə qapanıbmış. Bir neçə gün öncə R.Zərbəliyevin başında kəskin ağrılar başlayıb və o, Qubada bununla bağlı həkimə müraciət edib.
 
Həkim məsləhəti ilə o, sakitləşdirici dərmanlar qəbul edib. Həkim eyni zamanda, R.Zərbəliyevə sakit yerdə istirahət etməyi də məsləhət görüb. R.Zərbəliyev bu məqsədlə rayon ərazisindəki "Oscar" otelə gəlib. Otelə gələndən 1 saat sonra onda yenidən baş ağrıları başlayıb və o, məktub yazaraq intihara cəhd edib. Müəllimin intihara cəhd etməsindən xəbər tutan otel nəzarətçiləri hadisə yerinə dərhal təcili yardım çağırıb və o, ağır vəziyyətdə xəstəxanaya yerləşdirilib.
 
Məlumata görə, intihara cəhd edən R.Zərbəliyev hüquq-mühafizə orqanlarına verdiyi ilkin ifadəsində son günlər tez-tez özünə qapandığını və yaşamaq istəmədiyini bildirib. O deyib ki, psixi pozğunluq yarandığından son günlərdə insanlardan uzaq durmaq istəyib.
 
Faktla bağlı Quba rayon Prokurorluğunda araşdırmalar davam etdirilir.
 
Qeyd edək ki, aprelin 26-da Quba rayonunun Söhüb kənd orta məktəbinin müəllimi, Şamaxı rayonunun Göylər kənd sakini, 1990-cı il təvəllüdlü Ruslan Əlimustafa oğlu Zərbalıyev rayon ərazisindəki "Oscar" oteldə məktub yazaraq damarlarını kəsib.
Məqalə Göndər








Загрузка...