Xəbərlər
30 dekabr 2017
2 553
Bakı Dövlət Universitetində Yeni il şənliyi keçirilib
Dekabrın 30-da Bakı Dövlət Universitetində Yeni il şənliyi keçirilib.
Həmkarlar İttifaqı Komitəsinin təşkilatçılığı ilə keçirilən tədbiri HİK-in sədri, dosent Fikrət Şiriyev açaraq Universitetin rəhbərliyi və bütün kollektivi adından uşaqları və valideynləri Yeni il və Həmrəylik günü münasibətilə təbrik edib.
Universitet əməkdaşlarının övladları üçün təşkil edilən bu tədbirdə Gənc Tamaşaçılar Teatrının peşəkar aktyorları Şaxta baba və Qar qız rolunda şənliyi açıb, sonra həmin teatr "Qoğalın nağılı” tamaşasını göstərib.
Tədbirdə uşaqlara maraqlı yeni il hədiyyələri paylanıb.
