“Sənədli və xronikal filmlər qəhrəmanlarımızın təbliği baxımından önəmlidir”
Eldəniz Quliyev: "Bizlər həyatımızı o insanlara borcluyuq”
Dünən aprel şəhidi Rahim Tağıyevlə bağlı sənədli filmin təqdimatı olub.
Maraqlıdır, şəhidlərimizin, milli qəhrəmanlarımızın tanıdılması baxımından bu cür sənədli filmlərin rolu nə dərəcədədir? Gənc nəslin vətənpərvərlik ruhunda yetişdirilməsi baxmından bu qəbildən olan sənədli filmlərə üstünlük verilməlidirmi?
Aztəhsil.com xəbər verir ki, moderator.az-a istaçıqlama verən tanınmış ssenarist və kinodramaturq Eldəniz Quliyev bu cür sənədli filmlərin bir çox aspekdən mühüm önəm daşıdığını bildirdi:
"Əlbəttə, biz öz şəhidlərimizi, milli qəhramanlarımızı unutmamalıyıq. Onların xatirəsi əziz tutulmalı və hər zaman diqqətdə olmalıdır. Sənədli, xronikal filmlər də bir vasitədir ki, cəsurluq nümayiş etdirmiş vətən oğullarımızın həyatını daha geniş tamaşaçı kütləsinə çatdırmaq mümkün olsun.
Bu gün vətənsevərlik mövzusunda görülən işlər məncə yetərincə deyil. Unutmayaq: bizlər həyatını bu vətən, bu xalq üçün əsirgəməyən o İNSANLAR qarşısında borcluyuq”.
