Xəbərlər
29 may 2017
4 874
Məktəbdə qətlə yetirilən Kənan "Son zəng"ə hazırlaşırmış...
Masallı rayonunda məktəbdə şagirdlər arasında ölümlə nəticələnən dava haqqında məlumat vermişdik. Aztehsil.com a24.az saytına istinadən xəbər verir ki, baş vermiş hadisənin təfərrüatları məlum olub.
Boradigah qəsəbəsi Nizami Gəncəvi adına 1 saylı orta məktəbdə "Son zəng” tədbirinə hazırlıq görməsi zamanı baş verib. Belə ki, 2000-ci il təvəllüdlü Əliyev Kənan Teymur oğlu məktəbi 9-cu sinifdən bitirsə də "Son zəng” tədbirinə hazırlıq məqsədi ilə sinif yoldaşlarının yanına gəlib. Məktəbdə şagirdlər arasında olarkən onunla orta məktəbi keçən il bitirmiş Həsənağa Həsənov arasında münaqişə yaranıb. Münaqişə zəminində H.Həsənov Kənanı vurub və 17 yaşlı oğlan yerə yıxılıb. Bu zaman o, huşunu itirib və başından aldığı ağır xəsarət nəticəsində vəfat edib.
Artıq 17 yaşlı Kənan bu gün qəsəbə məzarlığında dəfn edilib. Maraqlıdır ki, dalaşan gənclər uzaq qohumdurlar. Onların babaları dayıoğlu-bibioğludur. H.Həsənov artıq saxlanılıb.
Faktla bağlı cinayət işi açılıb, araşdırma aparılır.
