Musiqi dinləmək orqanizmə nə kimi zərər verir - Qəzəb, emosional pozğunluq...

Musiqiyə qulaq asanda güc artımını və ya əksinə, onun rahatlaşdırıcı təsirini hiss edə bilərsiniz. Amma dinləyicinin musiqiyə reaksiyasından asılı olmayaraq, onun insan psixikasına müəyyən təsiri var. Alimləri musiqinin təsiri barədə müsbət və mənfi keyfiyyətləri belə sıralayıb;

Musiqinin müsbət təsiri:

Tez istirahət etmək bacarığı. Müxtəlif tezliklərin, ifa müddətinin, treklərin amplitudasının birləşməsi insan orqanizminə gərginlik vəziyyətindən rahat vəziyyətə keçməyə imkan verir. Klassik kompozisiyalar xüsusilə yaxşı təsir göstərir: qanda kortizol səviyyəsi azalır, sakitləşdirici və analjezik təsir göstərir.

Konsentrasiyanın yaxşılaşdırılması. Motsartın əsərləri və buna bənzər kompozisiyalar beyin qabığının konsentrasiya və yaddaşın aktivləşdirilməsindən məsul olan sahələrinə təsir göstərir. Beyin fəaliyyətinin zirvəsi səslər arasında səssizlik dövründə baş verir - bu zaman beyin aktivləşir.

Yaddaşın təkmilləşdirilməsi. Musiqi dinləyərkən məlumatın yadda saxlanma sürətinə təsir edən sinir əlaqələri aktivləşir.

Dopamin sintezinin artması (“sevinc hormonu”) və əhval-ruhiyyənin yaxşılaşması. Oyanma, motivasiya və duyğulara cavabdeh olan şöbələrdə beyində qan dövranının artması müşahidə olunur.

Musiqinin insan orqanizminə mənfi təsiri

Klub musiqisi və hardrok adətən insan psixikasına mənfi təsir göstərir. Bu, beyin hüceyrələrinə zərər verə bilən ritm və tezliklərlə bağlıdır. İnsana mənfi təsirləri belə sıralanır;

İntihar meyllərinin yaranması;

aqressiv davranış;

Depressiv vəziyyətin meydana gəlməsi;

Qəzəb;

Konsentrasiyanın pozulması;

Emosional pozğunluq.

Hər bir insan musiqidə müəyyən bir istiqamətə üstünlük verir. Ancaq musiqi əsərlərini seçərkən - ruhi rifahınızı düşünün.