Nurlan İsmayılbəyli: Bağça müdiri olmaq istəyənin ali pedaqoji və ya ali məktəbəqədər təhsili olmalıdır
“Məktəbəqədər təhsil müəssisəsində müdir vəzifəsində çalışmaq üçün müsabiqə və müsahibə mərhələsi həyata keçiriləcək”.
Bu barədə Təhsil İnstitutunun İnsan resursları mərkəzinin direktoru Nurlan İsmayılbəyli bildirib.
O qeyd edib ki, başlıca tələb ali pedaqoji və ya ali məktəbəqədər təhsilin olmasıdır:
“Müraciətçilərin 3 ilə qədər təcrübəsinin olması şərtdir. Hazırda öz fəaliyyətini məktəbəqədər təhsil müəssisəsində davam etdirən şəxslər də iştirak edə biləcəklər. Əvvəlcə test imtahanı mərhələsi keçiriləcək və 4 istiqamət-məktəbəqədər təhsil və idarəetmə, məntiq və oxuyub anlama, məktəbəqədər təhsilin metodikası və pedaqoji biliklər üzrə yoxlayıcı suallar olacaq. 60 sual veriləcək və hər istiqamət üzrə minimum 5 bal, ümumilikdə 30 bal toplayan namizədlər müsahibəyə dəvət olunacaq. Müsahibədə isə ünsiyyət və təqdimat, liderlik və s. kimi bacarıqlar yoxlanılacaq”.
