Məktəbli qızı döyən direktorun yerinə yeni təyinat olub – FOTO
Abşeron rayonu Ceyranbatan qəsəbə 1 nömrəli tam orta məktəbə yeni direktor təyin edilib.
Bir neçə gün əvvəl bu vəzifəyə Nuranə Vəliyeva təyinat alıb.
Qeyd edək ki, bir müddət əvvəl övladı Abşeron rayonu Ceyranbatan qəsəbə 1 nömrəli tam orta məktəbdə təhsil alan valideynlərdən biri Oxu.Az-a müraciət edərək, məktəbin direktoru Çinarə Atayevanın onun qızına işgəncə verməsi və müxtəlif bədən xəsarətləri yetirməsi barədə şikayət ünvanlamışdı. Daxili İşlər Nazirliyi, Abşeron-Xızı Regional Təhsil İdarəsindən məsələ barədə araşdırma aparıldığı qeyd edilmişdi.
Daha sonra Abşeron-Xızı Regional Təhsil İdarəsindən saytımıza bildirilmişdi ki, idarənin tabeliyində olan Ceyranbatan 1 nömrəli tam orta məktəbin direktoru Çinarə Atayeva ilə bağlanmış əmək müqaviləsinə xitam verilib.
