Xəbərlər / Müəllim
15 fevral 2021
1 394
Təhsil naziri onlayn dərslərə münasibət bildirdi
Təhsil naziri Emin Əmrullayev Real TV-nin "Mir Şahinin vaxtı” proqramına müsahibəsində Azərbaycanda koronavirus pandemiyası səbəbindən onlayn dərslərin keçirilməsindən danışıb.
Nazir qeyd edib ki,, bir il əvvəl heç kimin ağlına gələ bilməzdi ki, təkcə yanvar ayında 1 həftə ərzində müəllimlərimiz 6 milyon onlayn dərs verəcək. Bu dərslərdə 1 milyondan çox şagird iştirak edib.
Bu sahədə mövcud problemlərdən danışan nazir "kənd yerlərində internetin olmaması, şagirdlərin mövcud imkanlardan səmərəli istifadə etməməsi məqsədə nail olmaqda əngələ çevrilir” deyə qeyd edib.
Nazirin sözlərinə görə, Azərbaycan milli təhsil sistemində "Microsoft Teams” bazası üzərində qurulmuş "Virtual məktəb” platforması ən böyük hesab olunur ki,, bu da1 milyondan artıq şagird və 100 min müəllimi vahid platformada birləşdirmək deməkdir.
