Məktəblilər hansı hallarda dərsə buraxılacaq - TƏLİMAT
Təhsil Nazirliyi təhsil müəssisələrində sosial məsafənin təmin edilməsi ilə bağlı təlimat hazırlayıb.
APA-nın məlumatına görə, təlimatda bildirilir ki, 15 sentyabr 2020-ci il tarixindən etibarən ölkənin ümumi təhsil müəssisələrində ibtidai təhsil səviyyəsi üzrə tədris və təlim-tərbiyə prosesinin başlanmasını nəzərə alaraq, sosial məsafənin saxlanılması ilə əlaqədar təhsil müəssisələri rəhbərləri tərəfindən aşağıdakılar təmin edilməlidir:
Şagirdlər (valideynləri ilə birgə də ola bilər) məktəbin həyətyanı sahəsində sosial məsafənin saxlanılması məqsədilə yerdə çəkilmiş dayanma işarələrinin üzərində dayanmalıdırlar;
Həyətyanı sahədə sosial məsafənin saxlanılması və növbə ilə məktəbə daxil olma prosesinin tənzimlənməsi üçün şagird kontingentinin sayından asılı olaraq əməkdaşlar ayrılmalı və siniflərə təhkim edilməlidirlər;
Məktəbin girişində hər bir şagirdin hərarəti ölçülməli və hərarət 37.1 dərəcədən aşağı olduğu halda, şagird sinif otağına yönəldilməlidir, hərarət qeyd edilən həddən yüksək olduqda, təxirəsalınmadan məktəbin həkimi tərəfindən valideyn təlimatlandırılmalı və şagird geri qaytarılmalıdır.
Sosial məsafənin saxlanılması məqsədilə məktəbin həyətyanı sahəsində dayanma işarələrinə verilən tələblərdə deyilir ki, şagird kontingentinin sayına və məktəbin həyətyanı sahəsinə uyğun çəkilən dayanma işarələrinin ölçüsü (diametri) 20-30 santimetr olan dairə, kvadrat, düz xətt şəklində ola bilər. Dayanma işarələri ağ rəngli boya, yaxud əhəng ilə çəkilməlidir. Dayanma işarələri arasındakı məsafə ən azı iki metr olmalıdır.
Əgər məktəb binasının (korpuslarına) birdən çox giriş qapısı varsa, o zaman giriş qapıları müvafiq hərflərlə kodlaşdırılmalı (A, B, C və s) və hər bir giriş qapısının önündə sosial məsafənin gözlənilməsi üçün dayanma işarələri çəkilməlidir. Bu proses daha çox şagird sıxlığı çox olan məktəblərə tövsiyə edilir və bu zaman elektrik hərarət ölçən cihazın sayı nəzərə alınmalıdır. Belə bir variant tətbiq ediləcəyi təqdirdə, şagirdin hansı girişdən daxil olacağı barədə valideynlərə əvvəlcədən bildirilməlidir.
Valideynlərə verilən tələblərdə deyilir ki, sosial məsafənin saxlanılması məqsədilə valideynlər yerdə çəkilmiş dayanma işarələrində övladının yanında dayanmalıdırlar. Övladı məktəbin giriş qapısına daxil olduqdan sonra valideynlər məktəbin həyətyanı sahəsini tərk etməlidirlər.
Məktəbin həyətyanı sahəsində şagirdlərin və valideynlərin sosial məsafə saxlamadan kütləvi halda toplaşması və kütləvi halda şəkil çəkdirməsi yolverilməzdir.
Qeyd olunan məsələlərin mövcud qayda və təlimatlara uyğun şəkildə həyata keçirilməsinə nəzarət təhsil müəssisəsinin rəhbəri tərəfindən həyata keçiriləcək. Təhsil Nazirliyinin müvafiq struktur bölmələri tərəfindən mütamadi olaraq prosesə nəzarət məqsədilə yerlərdə keçirilən monitorinqlər zamanı müvafiq qaydalara əməl etməyən müəssisə rəhbərləri aşkarlandığı halda, onlar barəsində intizam tənbehi tədbirləri həyata keçiriləcək.
Koronavirusla bağlı bu qadağalar ləğv edildi
Yeni dərs ilinin başlanması ilə əlaqədar yollarda təhlükəsizlik tədbirləri gücləndiriləcək
Bakıda valideynlər etiraz etdi
İmtahanlarda iştirakçılar arasında bu qədər məsafə qoyulacaq
Şagird sıxlığı yüksək olan siniflər bölünəcək
Yerdəyişmə sorğusuna yalnız bu halda imtina cavabı verilə bilər
Tibbi spirtdən istifadə şagirdlər üçün təhlükə yaradacaqmı?
Məsafə bizi koronavirusdan qoruyurmu?
Karantindən sonra sinif otaqlarında neçə şagird olmalıdır? - Partalararası 2 metr məsafə tələbi
Təhsil İnstitutu növbəti tədris ili ilə bağlı iki ssenari təklif edir.
Məktəblərdə şagird sıxlığı necə tənzimlənəcək? - AÇIQLAMA
Valideyn şəxsi işi hansı müddətə təqdim etməlidir? – Şagirdlərin yerdəyişməsi
Pandemiya şəraitində məktəb – gigiyena qaydaları necə tənzimlənməlidir?
I sinfə qəbul zamanı işıq pulu qəbzi tələb edilir
Lisey siniflərinə yerdəyişmə hansı formada olacaq?
Şagird yerdəyişməsi ilə bağlı sorğuların qəbulu sentyabrın 11-dək davam edəcək
Xaricdən gələn şagirdlərin məktəbə qəbulu necə aparılacaq?
İmtahan zamanı tətbiq ediləcək təhlükəsizlik qaydaları -RƏSMİ
Polisdən əhaliyə müraciət - Maska taxın, çalışın avtobusa minməyin!
İmtahan təyin olunan tarixdən iki gün əvvəl otaqların dezinfeksiya edilməsi vacibdir
TƏBİB əhaliyə xəbərdarlıq etdi
Uşaqların (şagirdlərin) ümumi təhsil müəssisələrinə qəbulu və yerdəyişməsi QAYDALARI
20 mindən çox şagird yenidən imtahan verəcək
Şagirdin nizam-intizam qaydalarını kobud şəkildə pozması nə ilə nəticələnir