Dövlət İmtahan Mərkəzi - ÖZƏLLƏŞDİRİLİRMİ?

Məlum olduğu kimi TƏHSİL Millətin Gələcəyi, Milli Təhlükəsizliyin mühüm amilidir. Təhsil sferasında mühüm strukturlardan biri Dövlət İmtahan Mərkəzidir. Son vaxtlar bəzi hökumət rəsmiləri DİM-in özəlləşdirilməsi haqda təkliflər verirlər.

Təhsil sahəsinin tədqiqatçısı kimi hesab edirəm ki, bu addım çox pis nəticələr verə bilər. Təhsil sistemi bu prosesdən ciddi ziyan tapa bilər. Bu məsələnin İqtisadi tərəfi dövlət üçün əhəmiyyət daşımamalıdır, əsas olanı təhsilin mövcud təcrübəni və işlək mexanizmini qorumaq, inkişaf etdirməkdir.

Bu ideya hardan qaynaqlanır? Bəlkə TN və TQDK arasında (sonralar da TN və DİM arasında) olan 25 illik soyuq müharibənin həlli təşəbbüsüdür? Bəlkə yeni yaranan TN-nin "TƏHSİLİN KEYFİYYƏTİNƏ TƏMİNAT AGENTLİYİ" nin fəaliyyət sahəsini genişləndirməyə istiqamətlənib bu addım? Milli əhəmiyyətli məsələni korporativ maraqlara qurban vermək cəhdidir bəlkə? Ola da bilsin daha dərin səbəblər var. Özəlləşəndən sonra DİM- in aqibəti necə olacaq? Mövcud şəffaflıq və təmizlik qorunub saxlanılacaqmı? Yoxsa universitetlərə və dövlət qulluğuna qəbul imtahanları oliqarxlara həvalə ediləcək? Bu halda gələcəkdə ola bilsin ki, qəbul imtahanlarında qanunsuzluqlar olsun. DİM onda monopolist qurum kimi istədiyi şərtləri cəmiyyətə diktə edəcək?

DİM 100% dövlət nəzarətində olmalıdır. Cənab Prezident ölkəmizdə gedən proseslərə ictimai nəzarətin səviyyəsini dаim yüksəltməyi tələb edir. Təhsildə gedən proseslərə qeyri formal ictimai nəzarətə də ehtiyac var bu gün. DİM-in özəlləşdirilməsi ideyası ciddi məsələdir, hər bir ailənin, hər bir gəncin həyatına təsir edə biləcək ciddi bir qərardır. Bu haqda sizlərin rəyini bilmək maraqlı olardı.

Dövlət İmtahan Mərkəzi - NİYƏ ÖZƏLLƏŞDİRİLMİR? – HÖKUMƏTƏ TƏKLİF

Dosent İlham Əhmədov

https://fed.az/az/tehsil-ve-elm/dovlet-imtahan-merkezi-niye-ozellesdirilmir-hokumete-teklif-72256?fbclid=IwAR2rp0Og4N4MnHKZW4IjFCcJiuNvOCwaXmVNEOO_15P3OTEQK9yzxY9AhSw

Məqalə Göndər