Müəllimlərin maaşı necə hesablanır? – Vacib meyar və qaydalar

Daha tez məlumatlanmaq üçün Facebook səhifəmizi bəyən və paylaş

Müəllimlərin maaşının hesablanması onlayn kolkulyator vasitəsilə daha düzgün aparılır. Onlayn kalkulyatorda qırmızı rəngli "*”- la (ulduz işarəsi) ilə verilən suallar mütləq cavablandırılmalıdır.

Müəllimlərin maaşı hesablanarkən hansı meyarlar nəzərə alınır?

Kalkulyatorda ilk sual – bilik və bacarıqların diaqnostik qiymətləndirilməsindən keçmisinizmi?

Bu sualda iki variant təqdim olunur:

Keçib*

Keçməyib*

I variantı müəllimlərin işə qəbulu (MİQ) və diaqnostik qiymətləndirilməsi müsabiqələrindən keçən müəllimlər seçir.

Əgər müddətli müqavilə ilə işə düzəlmisinizsə, yenə "keçib” variantını seçməlisiniz. Belə olan halda, pedaqoji staj hissəsinə isə 0-3 illik staj yazılmalıdır. Çünki, müddətli müqavilə ilə iş pedaqoji staj hesab olunmur. Müddətli müqavilə ilə işləyən müəllim digər məktəbdə müddətsiz müqavilə ilə işləmiş və müəyyən əmək stajı olsa belə, onun müddətli müqavilə əsasında işlənən məktəbdəki əmək haqqına aiddiyyatı yoxdur.

Diaqnostik qiymətləndirmə müsabiqəsi ilə bağlı sualı cavabladıqdan sonra sizdən iki yeni sual – təhsiliniz ( orta təhsilli, orta ixtisas təhsilli, ali təhsilli) və pedaqoji stajınız (3 ilə qədər, 3-8 il arası, 8-13 il arası, 13-18 il və 18 ildən çox) soruşulur. Müəllimləri çaşdıran məqamlardan biri də məhz stajla bağlıdır.

Belə ki, siz əgər keçən tədris ilində artıq 13-cü ilinizi tamamlamısınızsa, yeni tədris ilinin maaş hesablanmasında 13-18 pedaqoji staj variantını seçirsiniz.

Elmi dərəcəsi olan və ixtisası üzrə fənn tədris edənlər,Azərbaycan Respublikasının fəxri adlarına layiq görülmüş şəxslər, ümumi təhsil müəssisələrində istifadə edilən dərslik və ya müəllim üçün metodik vəsaitlərin müəllifləri – bu halda maaşa 45 manat əlavə olunur.
Fəlsəfə doktoru - bu halda maaşa 60 manat əlavə olunur.
Elmlər doktoru - bu halda maaşa 100 manat əlavə olunur.
Əməkdar (fəxri adı) - bu halda maaşa 100 manat əlavə olunur.
Xalq (fəxri adı) - bu halda maaşa 150 manat əlavə olunur.

Qeyd edək ki, əməkdar və xalq fəxri adları üçün vergi tutulmur.

Növbəti addımda isə sizdən müəssisənin tipi soruşulur. Burada da müəssisənin tipinə görə, maaşa əlavələr nəzərdə tutulur.

Dövlət ümumtəhsil məktəblərində işləyən müəllimlərin əməkhaqqısına əlavə olunmur.

Əgər iş yeriniz nizamnaməsi olan məktəb-liseydirsə, ümumi dərs yükünün 15%-i;

Lisey və gimnaziyalar, ümumtəhsil internat məktəbləri, internat tipli lisey və gimnaziyalar - ümumi dərs yükünün 15 %-i;

Sağlamlıq imkanları məhdud uşaqlar üçün internat məktəbləri - ümumi dərs yükünün 50 %-i qədər əməkhaqqına əlavə olunur.

Tədris olunan fənnin adını seçdikdən sonra isə ümumtəhsil və lisey siniflərində dərs yükü, həmçinin ay ərzində tədris olunan dərnək saatları yazılır. Ondan sonra dərəcənizi göstərir və əgər qırmızı diplom almısınızsa, sağ küncdəki xanaya müvafiq olaraq seçim edirsiz.

Qeyd: Müddətli müqavilə ilə işləyən müəllimlər ən aşağı dərəcəni seçməlidirlər.

Əgər sinif rəhbərisinizsə, sizin aylıq əmək haqqınıza 40 manat əlavə olunur.

Əmək şəraitinin ağır və zərərliliyinə görə əməkhaqqına əlavələr aşağıda qeyd olunanlara əsasən müəyyənləşir: