Xəbərlər
06 may 2019
2 148
Qoyun otarıb imtahana hazırlaşan şagird ölkə ikincisi oldu
Türkiyədə Tuncəlinin Çemişgəzək rayonunda çətin bir həyat tərzi sürən Həbib Bitkin çobanlıq edərək imtahana hazırlaşıb. Altı dərsdə verilən 120 sualına 119-na doğru cavab verən Həbib Türkiyə ikincisi olub.
14 yaşlı Həbib məktəbdən sonrakı vaxtını ailəsinin yanında çobanlıq edərək keçirir. Həbibin bu uğuru isə yaşadığı kənddə dillər əzbəri olub. Uğurlarının ailəsiylə birlikdə müəllimlərini və özünü çox xoşbəxt etdiyini deyib. Həftənin beş gününü məktəbdə olan Həbib həftəsonları kəndlərinə gəlir. Ailəsi neçə illərdir ki, xırdabuynuzlu heyvanlar saxlayır. Onlar qış aylarında kənddə, yaz aylarında isə yaylaqda olurlar.
Həbib deyib ki, ailəsinin maddi durumu yaxşı olmasa da bu onu ruhdan salmayıb. O, qoyun otarmağa gedərkən kitablarını, test çalışmalarını da özüylə otlağa aparıb orda dərslərinə hazırlaşır. Ümid edirik ki, Həbib Bitkinin oxumaq həvəsi digərlərinə də nümunə olacaq.
(Moderator.az)
