Xəbərlər / Manşet
24 may 2018
6 208
Müəllim şagirdləri nə vaxt EKSKURSİYAYA apara bilər ?
Ekskursiya (lat. excursio — gəzinti, səfər) — maraq doğuran bölgələrin maarifləndirici, elmi, idman və ya istirahət məqsədi ilə tək və ya kollektiv şəkildə baxışın təşkili. Səfər tək və ya xüsusi təşkilatın rəhbərliyi ilə təşkil edilə bilər. Obyektin seyr ediməsi tək və ya xüsusi bələdçinin köməyi ilə ola bilər.
Sosial şəbəkə və elektron mətbuatda Lənkəran rayonu Gəgiran kənd tam orta məktəbinin müəllimi Həbib Əlizadənin dərs dediyi şagirdlərini Bakı şəhərinə ( Şəhidlər Xiyabanına ) ekskursiyaya aparmaq istəyi ,bunula bağlı olaraq məktəb direktoru Ziyafəddin Cavadovun müraciəti əsasında Rayon Polis Şöbəsinə çağrılması ilə bağlı məlumat təhsil işçiləri arasında birmənalı qarşılanmayıb.
Məsələ ilə bağlı təhsil eksperti Nadir İsrafilovun fikirlərini sizə təqdim edirik .
" Məktəb ekskursiyaları məktəbdənkənar və ya sinifdənkənar işin tərkib hissəsi olaraq hələ sovet dövründən planlı şəkildə təşkil olunardı.Məktəbin Fəaliyyət Planında ,Tədbirlər Planında və ya sinif rəhbərinin Fəaliyyət Planında vaxtı,məqsədi ,icra edilməsinə məsul şəxs və ya şəxslər göstərilməklə tədris ilinin əvvəlində pedaqoji şurada müzakirə olunaraq ,təsdiq olunduqdan sonra hüquqi qüvvəyə minmiş olur. Tədris ili boyunca müəllim və ya sinif rəhbəri şagirdləri ekskursiyaya aparmaq istəyinə düşərsə ,ilk növbədə məktəb rəhbərliyinə ekskursiyayının vaxtını ,məqsədini , maliyyə qaynağını ,marşurut istiqaməti və s göstərməklə yazılı müraciət etməli, ekskursiya zamanı baş verə biləcək istənilən hadisə üçün məsuliyyəti öz üzərinə götürməlidir.
Məktəb rəhbərliyinin rəsmi razılığı olduqdan sonra ( bəzən həmin müəllimə valideyin komitəsi və müəllimlərdən kömək üçün təhkim edilə də bilər ) müəllim bu ekskursiyanı gerçəkləşdirə bilər.Ümumilikdə müəllimin ideyasını dəstəkləmək lazımdır.Amma 30-a yaxın müxtəlif yaş qruplarına aid məktəblini 300 km-dən artıq bir məsafədə yerləşən Bakı şəhərinə ( Şəhidlər Xiyabanınana) gətirmək həm böyük məsuliyyət ,həm də maliyyə tələb edir.Bunun üçün Lənkəran şəhərində yerləşən Şəhidlər Xiyabanını da seçmək daha münasib və təhlükəsiz olardı . O ki, qaldı öz müəllimini polisə vermək məsələsinə bu nə direktora, nə məktəbə nə də ümumiyyətlə təhsil ictimaiyyətinə baş ucalığı gətirən cəhət olmayıb, görünür direktorun təcrübəsizliyindən irəli gələn haldır.”
Məsələ ilə bağlı Karyera Tədris və Araşdırmalar Mərkəzinin direktoru Elşən Qafarovun fikirləri də təqribən eyni oldu.
" Əvvəla hər bir məktəbin sentyabr ayında ilk Pedaqoji Şurada təsdiq olunuan Fəlliyyət Planı ,həmin Fəliyyət Planına əsasən Tədbirlər Planında ekskursiyalara geniş yer verilməlidir. Ekskursiyaların məktəblilərin dünya görüşlərinin inkişafında müstəsna xidmətləri var.
Lənkəran şəhər mərkəzindən 47 km aralıda ,dağ kəndi olan Gəgiran kəndindən ,Lənkəran şəhərindən 270 km aralıda yerləşən Bakı şəhərinə müxtəlif siniflərdə təhsil alan şəgirləri gətirmək ,guya müəllimin vətənpərvərliyi təbliğ etməsi istəyindən irəli gəldiyinə şübhə ilə yanaşıram. Əvvəla elə bir kəndimiz ,şəhərimiz yoxdur ki , orada şəhid məzarı,şəhidlər xiyabanı olmasın. Bəhs etdiyimiz Gəgiran kəndindən tələbə yoldaşlarım var. Bildiyim qədər Gəgiran kənd tam orta məktəbinin iki məzunu şəhid olmuşdur.Müəllim şagirdləri 300 km aralıda yerləşən Şəhidlər Xiyabanına aparmaqdansa ,həmin şagirdlərin yaxın qohumları ,məktəbin öz məzunları olan Qəhrəman Şəhidlərin məzarlarına ,Lənkəran şəhərində yerləşən Şəhidlər Xiyabanına ziyarətə apara bilərdi.Belə olsaydı məsələ belə böyüməzdi ,heç bir etirazda olmazdı. Eyni zamanda da məktəb direktoru da polisə müraciıt etməklə doğru addım atmayıb. Məsələ məktəb daxilində , bu mümkün olmadıqda isə Rayon Təhsil Şöbəsi səviyyəsində həll olunmalı idi.”
