Rus bölmələri məktəblərdə üstünlük təşkil edirmi?
İstər orta, istərsə də ali təhsil müəssisələrin də rus bölmələri mövcuddur.
Kimiləri bunun müsbət, kimiləri isə mənfi hal olduğu fikrindədir.
Ümumiyyətlə, rus bölmələri məktəblərdə üstünlük təşkil edirmi, edirsə nəyə görə?
Xatırladaq ki, öncəliklə şagirdin hansı bölmədə təhsil alacağı bilavasitə valideynin arzu və istəyindən asılıdır. Yəni rus bölməsində təhsil alan şagirdlərin sayı övladını rusca oxutmaq istəyən valideynlərin sayından asılı olaraq dəyişir.
Ölkədə 340 orta məktəbdə tədris rus dilində aparılır. Bu, orta məktəblərin 7,6 faizində tədrisin rus dilində aparılması deməkdir. Ölkədə orta məktəblərin ümumi sayı 4472-dir.
Tədrisin rus dilində aparıldığı 340 məktəbdə 90 min şagird rus dilində təhsil alır. Bu, ölkədə ümumən şagirdlərin 6,3 faizinin rus dilində təhsil alması deməkdir. Azərbaycanda şagirdlərin ümumi sayı 1 milyon 416 min nəfərdir. Həmin şagirdlərin 450 mindən çoxu rus dilini xarici dil kimi öyrənir ki, bu da ölkə şagirdlərinin 32 faizi deməkdir.
Ölkədə fəaliyyət göstərən ali təhsil müəssisələrində isə bütün ixtisasların 70 faizdən çoxu rus dilində də tədris olunur.
Göstəricilər son dövrlərdə rus bölməsində təhsil alan şagirdlərin sayının artdığını deməyə əsas verir.
