Görkəmli şair Mirmehdi Seyidzadənin 110 iliyi qeyd olunub
Azərbaycan Dövlət Pedaqoji Universitetində (ADPU) XX əsr Azərbaycan ədəbiyyatının görkəmli nümayəndələrindən biri, şair, dramaturq, tərcüməçi, Əməkdar İncəsənət Xadimi Mirmehdi Seyidzadənin 110 illiyinə həsr olunmuş "Yazdım gözəllər eşqinə" adlı gecə keçirilib.
Aztəhsil.com azərtac.az-a istinadən xəbər verir ki, Yubiley tədbiri "Könüllülər" Kitabxana İctimai Birliyi, ADPU və "Lider” TV tərəfindən təşkil olunub. Tədbirdə Xalq Şairi Nəriman Həsənzadə, Xalq Artisti Eldost Bayram və digər çıxış edənlər görkəmli şairin həyat və yaradıcılığından bəhs edib, xatirələrini bölüşüblər.
Bildirilib ki, M.Seyidzadə lirik şeirlərində insanın quruculuq, vətənpərvərlik duyğularını, saf məhəbbətini tərənnüm edib, qəzəlləri, uşaqlar üçün mənzum nağılları, kiçik pyesləri, təmsilləri geniş yayılib. O, rus şair və yazıçıların nağıl və şeirlərini Azərbaycan dilinə tərcümə edib, orden və medallarla təltif olunub.
Tədbir musiqi proqramı ilə davam edib.
