![](/templates/everydayyeni/images/aygunbaner.png)
Robotların qəbiristanlığı yaradıldı - DÜNYADA İLK DƏFƏ
Oktyabrın 31-də Moskvada ev robotlarının qəbiristanlığı açılıb.
Aztəhsil.com riafan.ru-a istinadən xəbər verir ki, bu barədə Moskva Texnologiya İnstitutunun mətbuat xidmətinin əməkdaşları məlumat veriblər.
"Artıq Fiztexparkın rezidentləri və qonaqları ömrünü başa vurmuş elektron ev əşyaları olan robotlarını qəbiristanlığa gətirə biləcəklər. Bura telefonlar, ev tozsoranları, elektron oyuncaqlar və digər cihazlar aid edilə bilər”, - deyə institut rəsmiləri şərh ediblər.
Onlar əsas diqqətlərini ona yönəldiblər ki, moskvalıların qəbiristanlığa gətirəcəkləri sıradan çıxmış və ya köhnəlmiş texnika təkrar emal ediləcək.
Mütəxəssislər qeyd ediblər ki, cihazlar yenidən ikinci həyata qaytarıla və insanlara fayda verməkdə davam edə bilərlər.
Yeni obyekti tanınmış Alantim robotu açıb.