Xəbərlər / Cəmiyyət
02 oktyabr 2017
2 759
Ağdamın orta ümumtəhsil məktəblərini bitirən 519 nəfər tələbə adını qazanıb
Bu il Ağdam rayonunun orta ümumtəhsil məktəblərini bitirən məzunlardan 519-u tələbə adını qazanıb.
Rayon təhsil şöbəsindən bildiriblər ki, ali məktəblərə qəbul olan abituriyentlərdən 71-i 500-600 arası, 36-sı isə 600-dən çox bal toplayıb. Bununla yanaşı, 28 nömrəli tam orta məktəbin məzunu Əbil Şirinov 690 bal, 109 nömrəli tam orta məktəbin məzunu Aytən Hüseynova 682 bal, Evoğlu kənd tam orta məktəbin məzunu Nadir Abbasov 681 bal toplayaraq rayon üzrə ən yüksək nəticə göstəriblər.
Rayonun ümumtəhsil məktəbləri arasında ən yüksək nəticə ilə 81 nömrəli tam orta məktəb seçilib. Bu təhsil ocağını bitirən 20 məzundan 17-si respublikanın müxtəlif ali məktəblərinə qəbul olub. Məzunlardan beşi 600-dan, üçü isə 500-dən yuxarı bal toplayıb.
