Xəbərlər
19 aprel 2017
3 173
Zaqatalada futbol yarışının rayon mərhələsi başa çatıb
Təhsil Nazirliyinin dəstəyi, Coca-Cola şirkətinin sponsorluğu və AFFA-nın təşkilatçılığı ilə orta məktəblərin VII sinif şagirdləri arasında "Coca-Cola məktəbli kuboku layihəsi”nin 2016-2017-ci il mövsümü keçirilir. Layihənin keçirilməsində məqsəd ölkəmizdə uşaq futbolunun inkişafı, futbolun kütləviliyinin təmin edilməsidir.
Məlumat üçün bildirək ki, yarışın rayon turu yanvar ayında başlayıb.
Aprelin 19-da Yuxarı Tala kənd 4 nömrəli tam orta məktəbin idman zalında rayon turunun final mərhələsi keçirilib. Bu mərhələdə I yerə Yengiyan kənd tam orta məktəbin, II yerə Humanitar fənlər gimnaziyasının, III yerə isə Yuxarı Tala kənd 4 nömrəli tam orta məktəbin komandaları layiq görülüb.
Qaxda keçiriləcək zona birinciliyində Yengiyan kənd tam orta məktəbin şagirdlərindən ibarət komanda iştirak edəcək.
Vüsalə Bədəlova(Zaqatala-Balakən təhsil şöbəsi, ictimaiyyətlə əlaqələr üzrə məsul şəxs)
