Martın 13-də başlanan “Şahin” Respublika hərbi idman oyunlarının zona birinciliyi üzrə yarışları davam etdirilir

Martın 13-də başlanan "Şahin” Respublika hərbi idman oyunlarının zona birinciliyi üzrə yarışları davam etdirilir.

Qeyd edək ki, yarışın keçirilməsində əsas məqsəd yeniyetmələrin hərbi vətənpərvərlik işinin daha da gücləndirilməsi, şagirdləri hərbi idman oyunlarına cəlb etməklə onların ordu sıralarına xidmətə hazırlanmasına dair köməklik göstərməkdir..

Hərbi idman oyunlarında rayonun ümumtəhsil məktəblərində təhsil alan VIII və X sinif şagirdlərindən təşkil olunmuş komandalar yarışacaqlar. Məktəblər zonalar üzrə 4 qrupa bölünüb, birinci qrupa daxil olan məktəblərin komandaları arasından qalib Tülü 1 nömrəli tam orta məktəbin şagirdləri olub. İkinci qrupa aid məktəblərin komandaları Katex kənd 1 nömrəli tam orta məktəbində yarışıblar və həmin məktəbin şagirdləri finala vəsiqə qazanıblar.

Mart ayının sonunadək davam edəcək yarışlar 3 mərhələdə keçiriləcək. Birinci mərhələ məktəbdaxili birinciliklər, ikinci mərhələ zona birincilikləri və üçüncü mərhələ final mərhələsi olacaq.