Xəbərlər / Cəmiyyət
18 sentyabr 2017
4 490
Təhsil Şöbəsi: Masazırdakı müəllim çatışmazlığı problemi tezliklə həll olunacaq
Abşeron rayon Təhsil Şöbəsi Masazır kənd 4 nömrəli tam orta məktəbdəki müəllim çatışmazlığı məsələsinə münasibət bildirib.
Təhsil Şöbəsindən bildirilib ki, hazırda Abşeron rayon Təhsil Şöbəsi müəllimlərin işə qəbul imtahanından müvafiq bal toplamış müəllimləri Masazır kənd 4 nömrəli tam orta məktəbdəki vakant yerlərə yerləşdirir. Mövcud məsələ ən qısa zamanda həll olunacaq.
Qeyd edək ki, Bakının Masazırda yerləşən 4 nömrəli tam orta məktəbdə rus bölməsi olsa da, şagirdlərə dərs deyəcək müəllimlər yoxdur. Valideynlər bildirib ki, dərslərin bir neçə gündür başlamasına baxmayaraq, müəllimin olmaması səbəbindən onların övladlarına dərs keçilmir.
