Xəbərlər
22 may 2017
8 186
Azərbaycan təhsil sisteminə etiraz - Valideynlər ayağa qalxdı
Azərbaycanda valideynlər təhsil müddətinə etiraz ediblər.
Aztehsil.com A24.Az-a istinadən xəbər verir ki, valideynlər dərs müddətinin 1 sentyabr-25 may arasında keçirilməsini tələb edən petisiya hazırlayıblar.
Petisiyada qeyd edilir ki, əvvəllər dərslər 1 sentyabrda başlayırdı. Sonradan bunu hansısa səbəblərdən 15 sentyabr tarixinə keçirdilər. İndi isə dərs müddətini iyunun 15-dək uzadırlar. Dərsləri çatdırmaq olmur. Yayın istisində uşaqlar dərsdə necə oturacaq? Bunu fikirləşən yoxdur. Xahiş edirik dərslər əvvəlki kimi 1 sentyabr -25 may arasında keçirilsin.
Petisiya Azərbaycan Respublikasının Prezidenti cənab İlham Əliyevə, Azərbaycan Respublikasının Təhsil naziri Mikayıl Cabbarova və Azərbaycan Respublikasının Nazirlər Kabinetinə təqdim ediləcək.
