Bu il hansı uşaqlar pulsuz qruplara cəlb ediləcək? - Təhsil Nazirliyindən CAVAB

Daha tez məlumatlanmaq üçün Facebook səhifəmizi bəyən və paylaş

Təhsil Nazirliyi növbəti dərs ilində hansı uşaqların dövlət məktəblərində təşkil ediləcək pulsuz məktəbəhazırlıq qruplarına cəlb ediləcəyini açıqlayıb.

Aztehsil.com xəbər verir ki, Nazirliyin Məktəbəqədər və ümumi təhsil şöbəsinin müdiri Aydın Əhmədov Trend-ə deyib ki, yeni dərs ilində dövlət məktəblərində təşkil edilən məktəbəhazırlıq qruplarına 2012-ci ildə anadan olmuş və həmin vaxt 5 yaşı tamam olacaq uşaqlar çəlb ediləcək.

A.Əhmədov qeyd edib ki, dövlət ümumtəhsil müəssisələrində məktəbəhazırlıq qruplarının yaradılmasına və fəaliyyət göstərməsinə 2016-2017-ci tədris ilindən başlanılıb: "Birinci ilin nəticəsi çox yaxşıdır. Bu qruplar növbəti illərdə də yaradılacaq. 2020-ci ilədək uşaqların məktəbəqədər təhsil ilə əhatə səviyyəsini 90 faizə çatdırmaq nəzərdə tutulur”.

Qeyd edək ki, ötən ilin məlumatına görə, ölkədə 5 yaşlı uşaqların məktəbəqədər təhsillə əhatə səviyyəsi üzrə göstərici 20 faizdən aşağıdır.

Nazirlər Kabineti tərəfindən ötən il "Uşaqların məktəbəhazırlığının təşkili məsələləri haqqında" qərar verilib. Qərara əsasən, dövlət ümumtəhsil məktəblərində məktəbəhazırlıq qruplarının açılması ilə bağlı tələb olunan xərclərin maliyyələşdirilməsi hər il dövlət büdcəsinin vəsaiti hesabına həyata keçiriləcək.

Azərbaycanda dövlət məktəblərində açılacaq pulsuz məktəbəhazırlıq kurslarına uşaqların qoyulması tamamilə könüllüdür.

DİQQƏT! DİQ və direktor müavinlərinin işə qəbulu müsabiqəsinə əyani və distant hazırlaşmaq istəyənlər Məktəbşünaslıq Kurslarımıza müraciət edə bilər. 0506725911 Zəng və ya votsap yazın.