Videosu gündəm olan direktor məsələyə aydınlıq gətirib – VİDEO
Azərbaycanda məktəb direktorunun görüntüləri gündəm olub.
Bu barədə məlumat sosial şəbəkədə yayılıb.
Bildirilib ki, videosu yayılan şəxs İmişli rayon Məzrəli kənd tam orta məktəbin direktoru Əlidursun İsayevdir.
Belə ki, məktəb direktoru tiktokerlərdən birinin hərəkətlərinə qeyri-adi reaksiyalar verib. Görüntülər izləyicilər tərəfindən birmənalı qarşılanmayıb.
Yayılan görüntülərlə bağlı adıçəkilən məktəb direktoru Əlidursun İsayev “Tehsil.biz“ə açıqlama verib. Direktor həmin videonu tələbəlik dövründə çəkdiyini bildirib:
“Görüntünü tələbəlik illərində çəkmişəm. Lakin 2020-ci ildə həmin görüntüyə xanımın videosunu əlavə edib, düzüb-qoşub məqsədli formada yayıblar. Bununla bağlı vaxtilə araşdırma da aparılıb. İndi də həmin video qərəzli şəkildə yenidən yayılır. Düşünürəm, bunu kimlərsə bizi gözdən salmaq üçün edirlər.
Məktəbimizin uğuru, nailiyyətləri kimlərəsə xoş getmir, ona görə də belə yollara əl atırlar. Məsələ barədə hüquq mühafizə orqanlarına müraciət edəcəyəm”.
