Məktəblilər ciddi təhlükədə - Əksər abituriyentlər potensial nevrozdurlar
Son zamanlar şagirdlərin dərs yükünün çox olması, ev tapşırıqlarının ağırlığı onlarda bir sıra psixoloji və nevroloji problemlərin yaranmasına səbəb olub.
Mövzu ilə bağlı AzEdu.az-a danışan həkim-nevroloq, Avropa Nevrologiya Akademiyasının üzvü Qalib Əsədov məsələnin ciddi xarakter daşıdığını vurğulayıb.
O, qeyd edib ki, bu kimi problemlər şagird sağlamlığı üçün ciddi fəasadlar yaradır:
“Günümüzdə tətbiq edilən təhsil sistemində repetitorlarla işləmək məsələsi düzgün qurulmayıb. Şagirdlərin beyni həddindən çox yüklənir, istirahət mexanizmləri düzgün tənzimlənmir.
Onlarda xroniki yorğunluq sindromu adlanan hal yaranır. Bu gün yuxarı sinif şagirdlərinin əksəriyyəti həmin problemlərdən əziyyət çəkir. Bəzən, abituriyentlərin qəbul imtahanlarında yüksək bal toplamamasına səbəb məhz həmin sağlamlıq məsələləridir”.
Nevroloq bu kimi problemlərdə təhsilverənlərin də günah payını qeyd edir:
“Hətta bir çox mənasız testlər vasitəsi ilə şagirdlər yüklənilir. Bəzi repetitorlar hansısa fənnin mahiyyətini izah etmək əvəzinə, şagirdlərin vaxtlarını testlər vasitəsi ilə alırlar. Onlara şeir əzbərlədən kimi test əzbərlədirlər. Başa düşmədən hansısa problemi əzbərlətmək beyinin həddindən çox işləməsinə səbəb olur”.
O, qeyd edib ki, hazırda təhsil sahəsində çox sayda problemlər var:
“Düşünürəm ki, bu gün təhsil sistemində kifayət qədər ciddi problemlər var. Onun keçirilmə qaydası şagirdlərlə bağlı çox əsaslı məsələlər yaradır. Bu, həm məktəblilər üçün, həm də biliklərin mənimsənilməsi cəhətdən zərərlidir. Sağlamlıq baxımından da olduqca ziyanverici xarakter daşıyır”.
Nevroloq vurğulayır ki, abituriyentlərin əksəriyyəti nevrozdan əziyyət çəkir:
“Günümüzdə abituriyentlərin əksəriyyəti potensial nevrozdur. Ya qorxu hissi keçirir, ya da ki, depresiyaya meyil göstərirlər. Bu, da beyinin istirahət mexanizminin düzgün təşkil olunmamasına gətirib çıxarır.
Bu kimi problemlərlə yalnız abituriyentlər deyil, ibtidai siniflər də qarşılaşır. Birinci sinif şagirdlərinə çətin mövzular vermək və onlardan bunun qavranılmasını gözləmək heç də uyğun deyil. Həmin uşaqlara nağıl və asan anlaşılan dərslər keçirilməlidir. Elə fənlər tədris olunmalıdır ki, onlar uşağın yadında qalsın, maraqlı olsun. Kitab və dərsliklərə baxdıqda müşahidə olunur ki, onlar senzuradan keçməyib. Təhsil sahəsində çox ciddi problemlər var. İstər dərslik, istərsə də onların tətbiqi ilə bağlı çox ciddi mənfiliklər yaşanır.
Beyinin həddindən çox yüklənməsi savada deyil, savadsızlığa aparır. Ona görə də yeni yetişən nəsildə savadlı olmayan şəxslərin sayı çoxdur, çünki tədris sistemi düzgün deyil”.
Ümumtəhsil məktəbləri üçün İnformatika və Həyat bilgisi fənni üzrə təhsil proqramı (kurikulumu) (I-IV siniflər)(STANDARTLAR)
Sağlamlıq imkanları məhdud şəxslərin təhsili (xüsusi təhsil) haqqında AZƏRBAYCAN RESPUBLİKASININ QANUNU
SUAL - Müəllim həftədə neçə saat dərs deyə bilər?
Müəllim həftədə neçə saat dərs deyə bilər?
Sual:Evdə təhsil necə təşkil olunur?
Xroniki yorğunluq sindromunun səbəbi nədir?
AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI
Ümumtəhsil məktəblərində dərs cədvəlinin tərtibinə verilən tələblər
Məktəb idarəediciləri OXUYUN !!! - Ümumtəhsil məktəblərində dərs cədvəlinin tərtibinə verilən tələblər
Görülən tədbirlərin nəticəsi həm kəmiyyətdə, həm də keyfiyyətdə özünü göstərib
Sağlamlıq imkanları məhdud şəxslərin təhsili (xüsusi təhsil) HAQQINDA
Bakı təhsili: təqvim ilinin təhsil mənzərəsi
Ənənəvi və interaktiv təlim metodlarının müqayisəli təhlili
Nazirlik layihənin öhdəsindən gələ bilmədi - Təhsildə təmayül “dalanı”
QƏRAR № 103 "Ümumi təhsil pilləsinin dövlət standartı və proqramları (kurikulumları)"nın təsdiq edilməsi haqqında
Şagirdləri imtahanlarla yükləməkdən imtina etmək lazımdır
Təhsil müəssisələrində psixoloji xidmətin təşkili qaydaları təsdiqləndi
Təhsil müəssələrində PSİXOLİJİ XİDMƏT haqqında Qaydalar təsdiq olundu
Müəllim - şagird münasibətlərinin psixoloji məsələləri
Müəllim - şagird münasibətlərinin psixoloji məsələləri....
Müəllim - şagird münasibətlərinin psixoloji məsələləri
Müəllimi ittiham eləmək asandır-Müəllim-şagird qovğası: kimdir günahkar?
Ümumtəhsil müəssisələrində işəgötürənlə pedaqoji işçilər arasında əmək müqaviləsinin bağlanmasına dair T Ö V S İ Y Ə L Ə R
“Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası” 2017