Xəbərlər / Yazarlar / Ekspert
11 may 2022
886


Nadir müəllimin nadir keyfiyyətləri var -XATİRƏLƏR


(Əziz dostum Nadir İsrafilovun 70 illiyinə)


Pedaqoji fəaliyyətimdə iki şəxsdən öyrəndiklərim mənə daim yol göstərib. Onlardan biri pedaqoji ictimaiyyətin yaxından tanıdığı, hamının “bizim Nadir müəllim”idir. Nadir İsrafilovu deyirəm. Sözü bütöv, təmənnasız, qayğıkeş, rəhbər kimi rəhbər, dost kimi dost, yorulmayan, suallardan bezməyən Nadir müəllimi.


Xaçmazda doğulub, Xaçmazda birinci sinfə gedib. Atası Bakıda, neft mədənlərində işlədiyindən Bakıya köçüblər. Ali təhsil aldıqdan sonra yenə doğma Xaçmaza qayıdıb. Bu dəfə müəllim kimi. Müəllimliyə olan həvəsi kəndə çəkib. Müəllim komsomol təşkilatının katibi seçilib. Gənc olmasına baxmayaraq az bir zamanda rayonun sayılan, seçilən müəllimlərindən biri olub. Alekseyevka kənd məktəbində işlədiyi dövrü özü belə nəql edir:

“Gənc müəllimlərlə sahələrə pomidor yığmağa gedirdik. Uşaqlar balaca idilər, 15-20 kiloluq pomidor yeşiklərini qaldırıb maşına yükləməyə gücləri çatmırdı. Ona görə də mən onlara kömək edirdim. Bir dəfə uşaqlara kömək edən zaman pomidorların suyu ağ köynəyimin üzərinə tökülüb qızartmışdı. Həmin vaxt raykomun birinci katibi sahəyə gəldi. Məni bu vəziyyətdə görüb direktorun harada olduğunu soruşdu. Direktor işdə yox idi, lakin mən direktoru ələ verə bilməzdim, işləri var, bir azdan gələcək dedim. Lakin mənə inanmadı, yanındakılara tapşırıq verdi ki, direktor dərhal vəzifəsindən azad olunsun və bu gənc oğlan məktəb direktoru təyin olunsun. Bunun üçün özləri sənədlərimi rayon partiya komitəsinə göndərdilər təsdiq olundu. Daha sonra isə ordan Maarif Nazirliyinə (İndiki Təhsil Nazirliyi) göndərdilər. Həmin dövrdə maarif naziri Akademik Mehdi Mehdizadə idi. Onun otağına daxil olanda eynəyini aşağı salıb mənə baxdı və dedi: “Gənc oğlan, sizin az müddətdə böyük xidmətləriniz var, amma biz sizi məktəb direktoru təyin edə bilmərik. Çünki SSRİ Maarif Nazirliyinin xüsusi təlimatı var ki, məktəb direktoru yalnız 5 il pedaqoji təcrübəsi olan adamlar təyin oluna bilər”. Mənim də 6 ayım çatmırdı, ona görə də məni ehtiyat kadr kimi saxladılar. 6 ay ərzində yerli sərəncamla məktəb direktorunu əvəz etdim. Vaxt tamam olduqdan sonra direktor oldum. O kənddə mənə çox böyük hörmət var idi, elçilik olanda məni aparırdılar. Həmin kənddə 15 elçiliyə getmişəm”.


Azərbaycan Təhsil Problemləri İnstitutuna qəbul olduqdan sonra yenidən Bakı həyatı başlayır. Elmi axtarışlar, yaradıcılıq işləri xeyli vaxtını aparır.

Qəribə taleyi var Nadir müəllimin. 3 dəfə dissertasiya işi yazır. Hər dəfə də keçmiş SSRİ rəhbərlərinin ölümü dissertasiyanın müdafiəsinə imkan vermir. Ona görə ki mövzu sovet ideologiyası ilə yanaşı, həmin dövrdə ölkəyə rəhbərlik edən şəxsin fəaliyyəti ilə əlaqədar olur. L.Brejnev, Y.Andropov və K.Çernenkonun dalbadal vəfat etməsi Nadir müəllimə düşmür, ardınca isə SSRİ-nin çökməsi hər şeyi alt-üst edir. Beləliklə də onun elmi işi dayanmış olur. Bu da həyatınmı, yoxsa taleyinmi ironiyası olur, demək çətindir.


Bir neçə il Nəsimi Rayon Təhsil Şöbəsinin müdiri vəzifəsində işləyir. Sonra Bakı Baş Təhsil idarəsində inspektor, nəhayət BŞTİ-nin Strateji təhlil və planlaşdırma sektorunun müdiri kimi fəaliyyət göstərir.


Bizim tanışlığımız da ondan sonra başladı. 2006-cı ildə Rayon Təhsil Şöbələri ləğv edilib Bakı Şəhəri üzrə Təhsil İdarəsi yarananda. Nadir müəllimin birbaşa müdaxiləsi və zəmanəti ilə müdiri olduğu sektora məsləhətçi vəzifəsinə qəbul edildim.


Nadir müəllimin nadir keyfiyyətləri var. İşdə də, kənarda da tabeliyində olan insanlarla özünəməxsus xoş münasibəti də tələbkarlığı da həmahəngdir. İşçisi ilə dost olmağı bacarır. Ağsaqqallığı da, nəsihətamiz fikirləri də heç kimdən əsirgəmir. Tapşırdığı işi nəzarətdə saxlamaqla bərabər istiqamət verir, işin keyfiyyətli və qaydasında başa çatmasına kömək edir.


Çox şey öyrəndim Nadir müəllimdən. Yaxşı yaddaşı var. 1960-cı ildən bu yana təhsil sahəsində verilən bütün qərarları, təlimatları əzbər bilir. Hansı situasiyada necə hərəkət etməyi öyrədir. Kiməsə, nəyisə öyrətməkdən, kömək etməkdən zövq alır bu adam. Təmənnasız, gözü-könlü tox adamdır. O, genişürəkli, tolerant xislətlidir. Dedi-qodu, qarayaxma kimi naqisliklərdən xalidir. Sözünü açıq deməyi xoşlayır, gördüyü nöqsanları, narazı olduğu məqamları mərd-mərdanə üzə deməkdən çəkinmir. Hər bir məsələdə haqq-ədalət tərəzisi dəqiq işləyir. Mənəviyyatca təmizdir, işində, vəzifə borcunun icrasında təmənnasızdır. “Şöhrətin külək kimi olduğunu, həmişə eyni səmtə əsmədiyini” yaxşı bilir. Boğazdan yuxarı deyilən sağlıqlar daxildən gəlmir deyə, heç bir zaman onun içinə sinmir. Qurşaqdan aşağı vurulan zərbələri kişiliyə yaraşdırmır. Tanrı ətəyindən yapışıb, şeytana qulluq edənlərlə işi yoxdur.


Bir insan haqqında nə qədər xoş sözlər demək mümkündürsə Nadir müəllimə şamil etmək olar. Hər bir məsələyə özünəxas yanaşması var. Fikrini də məntiqlə əsaslandırır. Onunla söhbətdən doymaq olmur. Bəzən mübahisə də edirik. Nəyəsə narazılığımı bildirəndə diqqətlə dinləyir, haqlı olduğumu da inkar eləmir. Jurnalistlərlə dostdur.Təhsil bilicisi kimi hamı ona üz tutur, şikayəti olan da, problemi olan da, sualı olan da. Çoxsaylı zənglərə, suallara səbrlə cavab verir, fikrini bildirir, kömək edir.


Xatirələri bir neçə kitaba sığar. Acılı, şirinli xatirələrini də özünəməxsus dildə, yumorqarışıq təqdim edir.


Bu günlərdə 70 yaşı tamam oldu Nadir müəllimin. 50 ilini təhsilin inkişafına, pedaqoji kadrların yetişdirilməsinə həsr edilmiş bir ömür. Amma ruhən cavandır. Düz danışıb yüz yaşamaq istəyir. Ona həsr etdiyim şeirimdə dediyim:


Nadir müəllim,mən bilirəm dünyada,

Düz danışıb yüz yaşamaq çətindir.

Ürəyində haqq deyilən ocaqdan


Qalıbdısa köz, yaşamaq çətindir- fikrimi təkzib etmək üçün. Mən də, bütün dostlar da bunu istəyirik. Yüz yaşa Nadir müəllim!


Şəmsi Qoca,

şair-publisist, AYB-nin üzvü

Məqalə Göndər








Загрузка...
Həmçinin oxuyun:
Nadir İsrafilov: “Kənddə müəllim işləməyə xüsusi sevgim, marağım var idi”

Nadir İsrafilov: “Kənddə müəllim işləməyə xüsusi sevgim, marağım var idi”

Bu gün  təhsil eksperti Nadir İsrafilovun ad günüdür

Bu gün təhsil eksperti Nadir İsrafilovun ad günüdür

“Səbir insana ömrü boyu dözmək üçün yox, məqamı düzgün seçmək üçün lazımdır.”

“Səbir insana ömrü boyu dözmək üçün yox, məqamı düzgün seçmək üçün lazımdır.”

Nadir İsrafilov: Mən bu  barədə nə danışmaq istəyirəm nə də eşitmək.

Nadir İsrafilov: Mən bu barədə nə danışmaq istəyirəm nə də eşitmək.

Mənim ilk karyeramı “əngəlləyən” böyük insan...

Mənim ilk karyeramı “əngəlləyən” böyük insan...

Məktəbdəki müəllimlərin 23,3 faizi niyə ali təhsilli olmadan dərs deyir?

Məktəbdəki müəllimlərin 23,3 faizi niyə ali təhsilli olmadan dərs deyir?

Nadir İsrafilovun həyat yoluna həsr olunmuş kitab çap olunub.

Nadir İsrafilovun həyat yoluna həsr olunmuş kitab çap olunub.

Dərs demək üçün hər gün Sumqayıtdan Qubaya gedib-gələn gənc müəllim - VİDEO

Dərs demək üçün hər gün Sumqayıtdan Qubaya gedib-gələn gənc müəllim - VİDEO

“Biz hamımız aldığımız tərbiyənin övladlarıyıq”

“Biz hamımız aldığımız tərbiyənin övladlarıyıq”

Ucqar kənd məktəbinə işə qəbul olunanda  fikirləşdim ki, mənə çətin olacaq...GƏNC MÜƏLLİM

Ucqar kənd məktəbinə işə qəbul olunanda fikirləşdim ki, mənə çətin olacaq...GƏNC MÜƏLLİM

“Orta məxrəcə gəlmək” deyəndə mən bunları nəzərdə tuturam-Nadir İsrafilov

“Orta məxrəcə gəlmək” deyəndə mən bunları nəzərdə tuturam-Nadir İsrafilov

İmtahanların iki dəfə keçirilməsi başlıca səbəbi, "Həm ziyarət, həm ticarət"-Nadir İsrafilov

İmtahanların iki dəfə keçirilməsi başlıca səbəbi, "Həm ziyarət, həm ticarət"-Nadir İsrafilov

Nadir İsrafilov: Türkiyədəki tələbələrin sığınacaq qida və nəqliyyat ehtiyaclarının ödənilməsini müsbət qiymətləndirmək lazımdır

Nadir İsrafilov: Türkiyədəki tələbələrin sığınacaq qida və nəqliyyat ehtiyaclarının ödənilməsini müsbət qiymətləndirmək lazımdır

Ucqar kəndin gənc müəllimi “Uşaqlıqdan müəllimliyə həvəsim böyük idi”

Ucqar kəndin gənc müəllimi “Uşaqlıqdan müəllimliyə həvəsim böyük idi”

"Şübhəsiz ki, ali məktəblərin hazırlıq qruplarının yaradılması ödənişlə əlaqədardır"

"Şübhəsiz ki, ali məktəblərin hazırlıq qruplarının yaradılması ödənişlə əlaqədardır"

Müəllim oxuya da bilər, rəqs də edər, digər əyləncələrə də baş vura bilər-Nadir İsrafilov

Müəllim oxuya da bilər, rəqs də edər, digər əyləncələrə də baş vura bilər-Nadir İsrafilov

Nadir İsrafilov: “Bir də dünyaya gəlsəydim yenidən müəllimliyi  seçərdim”

Nadir İsrafilov: “Bir də dünyaya gəlsəydim yenidən müəllimliyi seçərdim”

“Bir müəllimin xatirələri”

“Bir müəllimin xatirələri”

Nadir İsrafilov: “Ceyhun Bayramov təhsil ictimaiyyətinin nəzərində demokratik, yenilikçi, əlçatan bir nazir kimi qalıb”.

Nadir İsrafilov: “Ceyhun Bayramov təhsil ictimaiyyətinin nəzərində demokratik, yenilikçi, əlçatan bir nazir kimi qalıb”.

Nəyə nail olmuşamsa, bu gəncliyimdə mənə verilən dəstəyin hesabına olub.

Nəyə nail olmuşamsa, bu gəncliyimdə mənə verilən dəstəyin hesabına olub.

Nadir İsrafilov : “Tarixi həqiqətlərin yeniyetmə və gənclərimizə çatdırılması bu gün xüsusi əhəmiyyət kəsb edir "

Nadir İsrafilov : “Tarixi həqiqətlərin yeniyetmə və gənclərimizə çatdırılması bu gün xüsusi əhəmiyyət kəsb edir "

Azərbaycanda nadir hadisə: Uşağın gözlərinin biri göy, digəri qaradır – VİDEO

Azərbaycanda nadir hadisə: Uşağın gözlərinin biri göy, digəri qaradır – VİDEO

Nadir İsrafilov: “Ölkədəki vəziyyət yenidən qiymətləndirilə bilər…”

Nadir İsrafilov: “Ölkədəki vəziyyət yenidən qiymətləndirilə bilər…”

"Sözün bütün mənalarında əsil Azərbaycan ziyalısı, el ağsaqqalı idi"-Nadir İsrafilov

"Sözün bütün mənalarında əsil Azərbaycan ziyalısı, el ağsaqqalı idi"-Nadir İsrafilov