"Xalq Əmanəti” layihəsinin iyirmi birinci nəşri-Şamo Abasov yaradıcılığı
AzEdu.az xəbər verir ki, Şamo Abasov müasir Azərbaycan rəssamlıq məktəbində özünəməxsus dəst-xətti olan sənətkarlardandır. O, yaradıcılıq yolunun əvvəlində dekorativ keramika ilə məşğul olur. İştirak etdiyi beynəlxalq yaradıcılıq qruplarında, simpozium və sərgilərdə nümayiş olunan əsərləri ilə seyrçilərin rəğbətini qazanır, mütəxəssislər tərəfindən yüksək qiymətləndirilir. İllər sonra sevdiyi sənətə - rəngkarlığa qayıdır və rəssam Şamo Abasov kimi daha böyük şöhrət qazanır.
Rəssamın tablolarında illüziyalar, sirli xülya və xatirələrlə bol bir dünya əks olunur. Onun əsərləri milli koloritlə nəfəs alır.Yaradıcılığının vizit kartına çevrilmiş Abşeron tipajları, qadın obrazları, özünəməxsus yumor və ironiyayamalik xeyirxah, gülərüz vəbir qədər sadəlövh personajları seyrçini rəssamın abstrakt və sirli dünyasına səyahətə aparır. Şamo Abasov qısa, lakin son dərəcə məhsuldar bir həyat yaşayıb. Rəssam 7 may 2014-cü il Bakıda vəfat edib.
Rəssamınəsərləri Azərbaycan Milli İncəsənət Muzeyi, Azərbaycan Milli Rəsm Qalereyası, Rusiya Federasiyasının Mədəniyyət Nazirliyi, Dövlət Tretyakov Qalereyası, Beynəlxalq Rəssamlar Konfederasiyası, Ştiqlits adına Tətbiqi İncəsənət Muzeyi, Beynəlxalq keramika muzeyi, Azərbaycanın xaricdəki nümayəndəlikləri, eləcə də yerli və xarici kolleksiyalarda qorunur.
“Xalq Əmanəti” layihəsi ASC “Xalq” Bankı tərəfindən 2010-cu ildən etibarən həyata keçirilir. Layihə xalqımızın mədəni irsinin qorunub gələcək nəsillərə ötürülməsi, mənəvi dəyərlərimizin dünyaya tanıdılması məqsədini daşıyır. Layihə çərçivəsində nəşr olunan kitablar üç dildə - azərbaycan, ingilis, rus dillərində çap olunur. Nəşrlər ölkənin ali və orta təhsil müəssisələrinə, uşaq evləri və kitabxanalara, müxtəlif fondlara, dövlət müəssisələrinə, xarici ölkələrin Azərbaycanda və Azərbaycanın xaricdə fəaliyyət göstərən səfirlik və konsulluqlarına, dünyanın böyük muzeylərinə, kitabxanalarına, eləcə də sənətsevərlərə hədiyyə olunur. Ötən zaman ərzində Xalq rəssamları Böyükağa Mirzəzadə, Maral Rəhmanzadə, Səttar Bəhlulzadə, Xalidə Səfərova, Mikayıl Abdullayev, eləcə də Ələkbər Rzaquliyev, Tağı Tağıyev, Mahmud Tağıyev, Vəcihə Səmədova, Kamal Əhməd, Fazil Əliyev, Rza Məmmədov, Gennadi Brijatyuk, Qorxmaz Sücəddinovun, şəhid-heykəltəraş Samir Kaçayevin əsərlərindən ibarət sərgilər təşkil edilmiş və bədii albomlar nəşr olunmuşdur. Xalq şairləri Məmməd Araz, Hüseyn Arif, Xəlil Rza Ulutürk, Zəlimxan Yaqub, unudulmaz Mikayıl Müşfiqin seçilmiş əsərləri, görkəmli alim-numizmat, professor Əli Rəcəblinin “Azərbaycan sikkələri” kitabı, “Aşıq ədəbiyyatı antologiyası” üçcildliyi, həmçinin, dünya şöhrətli şair-mütəfəkkir Mirzə Şəfi Vazehin Azərbaycan, alman və rus dillərində “Bütün əsərləri” işıq üzü görmüşdür.
Rəssamın əsərlərinin ekspozisiyası dekabr ayının 18-dən başlayaraq Xalq Bankın Əsas binasında (Ünvan: Bakı şəh., İnşaatçılar prospekti, 22L) fəaliyyət göstərəcək.
Sərgini iş günləri saat 18:00-dan 21:00-dək, şənbə və bazar günləri isə saat 10:00-dan 16:00-dək seyr etmək mümkündür. Giriş sərbəstdir.
Sərgini ziyarət etmək üçün COVID-19 pasportu və ya immunitet sertifikatı mütləqdir.
Məktəb direktorunun evindən oğurluq edən şəxsin məhkəməsi başlayıb
Bu şəkildə Dədə Qorqud siqaret çəkir? - İddialara cavab
Professional rəssamlıq təhsili görmüş ilk azərbaycanlı qadın rəssam
Təhsil Nazirliyinə ən real namizəd
Naxçıvan Dövlət Univesitetində məzun rəssamların sərgisi
“Qarabağın məşhur müəllimləri” - Soltan Hacıbəyov
Gənc rəssamlar təltif edilib
Nazirlikdə yeni şöbə müdiri təyinatı- Novruzov kimdir?
Əbdürrəhim bəy Haqverdiyevə həsr olunan elmi konfrans
Görkəmli filosof Ziyəddin Göyüşovun 100 illik yubileyi qeyd olunacaq
Xalq şairi Səməd Vurğunun doğum günüdür
BMU müəllimi dünya tarixində ilkə imza atıb
ADPU rəhbərliyi Nailə Mirməmmədlinin ailəsi və yaxınlarına baş sağlığı verir
ADPU-nun kafedra müdiri vəfat edib
Ümummilli lider Heydər Əliyevin doğum günüdür
12 dekabr – Ümummilli lider Heydər Əliyevin anım günüdür
Dövlət Teatr Muzeyində “Üç əsr keçsə də...” adlı bədii-musiqili gecə keçiriləcək
Sumqayıt kitabxanalarında silsilə tədbirlər keçirilib - FOTOLAR
Qaxda məktəb binalarının açılış mərasimi keçirilib
Qərb Universitetində Xalq yazıçısı ilə görüş keçirilib
“Əli Səbri Qasımov: ömür yolu və yaradıcılığı” adlı monoqrafiyanın təqdimatı
Müslüm Maqomayevin vəfatından 9 il ötür
Azərbaycanda universitet rektorları HANSI YAŞDADIR? -SİYAHI