Xəbərlər / Qəhramanlarımız
06 yanvar 2021
2 200
Şəhidlik zirvəsinə ucalan Mirzəyev Elyar
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də Mirzəyev Elyar Cəlal oğludur.
Əslən Cəbrayıl rayonundan olan Elyar Mirzəyev 06.09.1984-cü ildə Beyləqan rayonu Bahar qəsəbəsində anadan olmuşdur. Orta məktəbi də elə həmin qəsəbədə bitirən Elyar 2002-ci ildə müddətli həqiqi hərbi xidmətə çağırılıb və Ədliyyə Nazirliyində xidmət edib. Nazirliyin futbol klubunun üzvi olur. Futbola marağı olduğundan bu idman növündə bir çox nailiyyətlər əldə edib.
Elyar Mirzəyev Cəbrayıl, Füzuli və Hadrut rayonlarında döyüş əməliiyyatlarında fəal iştirak edib. Son döyüşü isə 14 oktyabr 2020-ci il tarixdə Hadrutun Şaban dağı deyilən ərazisində olur. Həmin vaxt düşmən snayperinə tuş gələrək şəhidlik zirvəsinə ucalır. Azərbaycan Respublikası ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla hərbi qulluq vəzifəsini yerinə yetirərkən igidlik və mərdlik nümunəsi göstərdiyinə görə "Vətən uğrunda” medalı ilə təltif edilmişdir.
Elyar Mirzəyev doğulub boya başa çatdığı Beyləqan rayonu Bahar qəsəbəsində dəfn edilmişdir.
İgid əskər, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik, nur içində yatın.
