Şəhid Zamin Rəhimov : “Bilsəniz ki, harada dayanmışam o yerdən əyilib öpərdiniz”
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də Rəhimov Zamin Vahid oğludur.
Zamin Rəhimov 21.04.1988-ci ildə Cəbrayıl rayonunun Məzrə kəndində dünyaya göz açmışdır. Ailəli idi, bir azyaşlı qız övladı var. Mahmudlu uşaq musiqi məktəbində qarmon müəllimi işləyirdi.
İkinci qarabağ döyüşləri başlayan kimi Zamin Rəhimov döyüşlərə könüllü olaraq qoşulmuşdur. Atası ilə söhbət edən zaman o Zaminin evlə telefon əlaqəsi saxladığını, ona indi hardasan? sualına cavab olaraq "bilsəniz ki, harada dayanmışam o yerdən əyilib öpərdiniz” bildirib. O həmin vaxt doğulduğu Cəbrayıldan zəng vururdu. Zamin Rəhimov Cəbrayıl rayonu istiqamətində gedən döyüşlər zamanı qəhrəmancasına şəhid olmuşdur. Şəhidimiz 09 oktyabr 2020-ci ildə Binəqədi məzarlığında dəfn edilmişdir.
Şəhadətin mübarək, igid əsgər! Ruhunuz qarşısında baş əyirik. Allahdan bütün Şəhidlərimizə rəhmət diləyirik, nur içində yatın!
