Xəbərlər / Qəhramanlarımız
21 dekabr 2020
1 995
İgidlik və mərdlik nümunəsi göstərən Ramid Hacıyev
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də mayor Hacıyev Ramid Nəriman oğludur.
Ramid Hacıyev 11.02.1987-ci ildə Cəbrayıl rayonu Mirək kəndində anadan olmuşdur. Orta məktəbin 8-ci sinfini başa vurduqdan sonra Cəmşid Naxçıvanski adına Hərbi məktəbə daxil olmuş və oranı müvəffəqiyyətlə bitirərək Ali Hərbi məktəbə daxil olmuşdur. Təlim tədris məktəbini bitirdikdən sonra N saylı hərbi hissənin Tovuz rayon Əlibəyli kəndində işləməyə başlamışdır. 2010-cu ildə leytenant, 2012-ci ildə baş leytenant, 2016-cı ildə kapitan, 2020-ci ildə mayor rütbəsi ilə təltif edilmişdir.
N saylı hərbi hissədə birinci taborun komandiri vəzifəsində çalışırdı. Ailəli idi, üç övladı var. Ramid Hacıyev 16 oktyabr 2020-ci ildə Talış kəndinin azadlığı uğrunda gedən döyüşlərdə qəhrəmancasına şəhid olmuş, 2-ci fəxri xiyabanda dəfn edilmişdir.
Ramid Hacıyev Azərbaycan Respublikası ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla hərbi qulluq vəzifəsini yerinə yetirərkən igidlik və mərdlik nümunəsi göstərdiyinə görə Qarabağ ordeni ilə təltif edilmişdir.
Cənab mayor, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik!
