Xəbərlər / Qəhramanlarımız
19 dekabr 2020
3 491
Zəngilan rayonu istiqamətində gedən döyüşlərdə qəhrəmancasına şəhid olmuş Anar Əmirov
İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də Əmirov Anar Allahverdi oğludur.
Əslən Cəbrayıl rayonu Cocuq Mərcanlı kənd sakini olan Anar Əmirov 29.12.2000-ci ildə Sabirabad rayonu Bulaqlı kəndində anadan olmuşdur.
Sabirabad rayonu Şəhriyar qəsəbəsində 12 saylı Cəbrayıl tam orta məktəbi bitirdikdən sonra hərbi xidmətə yollanmış, Cəlilabad rayonu N saylı hərbi hissədə xidmətini başa vurduqdan sonra orada qalıb müddətdən artıq xidmət etməyə qərar vermişdi.
Anar Əmirov 20 oktyabr 2020-ci ildə Zəngilan rayonu istiqamətində gedən döyüşlər zamanı qəhrəmancasına döyüşərək şəhid olmuş, Füzuli rayonu Qazaxlar kənd məzarlığında dəfn edilmişdir. İgid əskər, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik!
