Emin İsmayılovun anası: "Mənim oğlum heç vaxt itkin ola bilməz, o ancaq şəhid ola bilər"

İkinci Qarabağ savaşında Vətənin bölünməzliyi və müstəqilliyi uğrunda canından keçən qəhrəman Vətən övladlarından biri də kiçik çavuş İsmayılov Emin Tahir oğludur.

Əslən Cəbrayıl rayonundan olan Emin İsmayılov 21.05.2001-ci ildə Bakı şəhəri Nəsimi rayonunda anadan olmuşdur. Nəsimi rayonunda 54 saylı tam orta məktəbin məzunu olmuş və həqiqi hərbi xidmətə yollanmışdır.

Emin İsmayılov Azərbaycan Respublikası ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla hərbi qulluq vəzifəsini yerinə yetirərkən igidlik və mərdlik nümunəsi göstərdiyinə görə "Vətən uğrunda” medalı ilə təltif edilmişdir.

Əskər yoldaşları danışır ki, komandiri onun ayağından yaralandığına, həm də evin tək oğlu olduğu üçün əmr edir ki, irəli getməsin. Lakin Emində olan mərdlik, vətənə olan bağlılıq hissinin qarşısını heç kəs ala bilməzdi. Hərbi xidməti başa vurmasına iki ay qalmışdı. Anasına həmişə deyirdi: mən sənin başını uca edəcəm. Elə də oldu, anasına verdiyi sözü tutdu. Anasına oğlun itkindir deyildiyində o buna inanmır. Mənim oğlum heç vaxt itkin ola bilməz. O ancaq şəhid ola bilər deyir. Emin İsmayılov 01 oktyabr 2020-ci ildə Kəlbəcər rayonu uğrunda gedən döyüşlərdə qəhrəmancasına şəhid olmuş, 2-ci fəxri xiyabanda dəfn edilmişdir.

İgid əskər, Şəhadətin mübarək! Ruhunuz qarşısında baş əyirik! Allahdan bütün Şəhidlərimizə rəhmət diləyirik, nur içində yatın!

Məqalə Göndər