Xəbərlər / Valideyn
13 sentyabr 2020
1 134
Övladınızı doğru dostluğa yönəldin
Dostlarının olması və onlarla ünsiyyət övladınız üçün əvəzolunmaz həyat təcrübəsidir.
Lakin bu yaşda kiçik məktəbliniz dostlarının mənfi təzyiqinə məruz qala bilər. Siz bununla bağlı övladınızla söhbət etməlisiniz. Sadəcə dostlarının gözlərində yaxşı görünmək üçün ona yaraşmayan mənfi əməllər etməyin necə mənasız və gərəksiz olduğunu ona izah edin. Bir qayda olaraq yoldaşlarının mənfi təsirinə özünə dəyər verməkdə çətinlik çəkən uşaqlar düşür. Onlar öz gözündə və yoldaşlarının gözündə dəyərlərini artırmaq üçün göstərilən neqativ nümunələrin qurbanı olurlar. Buna görə siz övladınızın özünə qarşı münasibətini nəzarətdə saxlayın; əgər hər hansı problem müşahidə edərsinizsə onun üzərində işləyin. İlk növbədə övladınıza doğru dəyərlər, özünə və ətrafdakılara hörmət etməyi aşılayın.
