Xəbərlər
24 fevral 2017
1159

BDU-da Xocalı soyqırımının 25-ci ildönümü ilə əlaqədar elmi-praktik konfrans keçirilib

Daha tez məlumatlanmaq üçün Facebook səhifəmizi bəyən və paylaş

BDU-da Xocalı soyqırımının 25-ci ildönümü ilə əlaqədar elmi-praktik konfrans keçirilib

 

Bakı Dövlət Universitetində (BDU) Xocalı soyqırımının 25-ci ildönümü ilə əlaqədar elmi-praktik konfrans keçirilib.
 
Aztehsil.com xəbər verir ki, BDU-dan APA-ya bildirilib ki, universitetin professor-müəllim heyəti, tələbələrinin iştirak etdiyi konfransda çıxış edən rektor, akademik Abel Məhərrəmov Xocalı soyqırımının insanlığın tarixində ən qəddar və amansız terror hadisələrindən biri, 200 ildən artıq müddətdə erməni millətçiləri tərəfindən xalqımıza qarşı aparılan etnik təmizləmə və soyqırımı siyasətinin qanlı səhifəsi olduğunu deyib. Qeyd edib ki, erməni quldur birləşmələri keçmiş sovet ordusuna məxsus 366-cı alayın əsgər və zabitləri ilə birlikdə Xocalı şəhərini yerlə-yeksan edib, dinc əhalini, xüsusilə uşaqları, qadınları, qocaları ağlasığmaz vəhşiliklə öldürüblər.
 

BDU-da Xocalı soyqırımının 25-ci ildönümü ilə əlaqədar elmi-praktik konfrans keçirilib

 

Rektor o zamankı dövlət orqanlarının şəhərin müdafiəsini təşkil etmək üçün heç bir əməli tədbir görmədiyini, şəhər sakinlərini taleyin ümidinə buraxdıqlarını, Heydər Əliyevin hakimiyyətə gəldikdən sonra Azərbaycan hökuməti və parlamentinin Xocalı soyqırımı, bütövlükdə erməni millətçilərinin azərbaycanlılara qarşı törətdiyi cinayətlər haqqında həqiqətləri dünya dövlətlərinə, parlamentlərinə və beynəlxalq təşkilatlara çatdırdığını bildirib. Heydər Əliyevin yürütdüyü həmin siyasətin prezident İlham Əliyev tərəfindən layiqincə davam etdirildiyini qeyd edən rektor onu da bildirib ki, dünyanın bir çox ölkələrində Heydər Əliyev Fondunun, Fondun müxtəlif ölkələrdəki nümayəndəliklərinin, diaspor təşkilatlarının təşəbbüsü ilə tədbirlər keçirilir, Xocalı şəhidləri ehtiramla yad edilir, Azərbaycanın haqq işi dəstəklənir, ermənilərin işğalçılıq siyasəti pislənir.
 

BDU-da Xocalı soyqırımının 25-ci ildönümü ilə əlaqədar elmi-praktik konfrans keçirilib

 

Sonra tarix fakültəsinin dosenti Boran Əziz "Xocalı şəhərinin tarixi”, Coğrafiya fakültəsinin kafedra müdiri, professor Fərda İmanov "Xocalının coğrafiyası”, Sosial elmlər və Psixologiya fakültəsinin dekanı, professor Hikmət Əlizadə "Xocalı soyqırımının sosial fəsadları”, Hüquq fakültəsinin Ümumi beynəlxalq hüquq kafedrasının professoru Əfsər Sadıxov "Xocalı soyqırımı zamanı insan hüquqlarının və  Beynəlxalq konvensiyaların rozulması” mövzularında çıxış ediblər.
 
Sonda  tələbələrin hazırladığı rekviyem (neydə "Sarı gəlin”) və vodeoçarxın nümayişi olub.





DİQQƏT! DİQ və direktor müavinlərinin işə qəbulu müsabiqəsinə əyani və distant hazırlaşmaq istəyənlər Məktəbşünaslıq Kurslarımıza müraciət edə bilər. 0506725911 Zəng və ya votsap yazın.




Загрузка...
loading...