Xəbərlər
04 iyun 2020

BSU-da yaz semestrinin imtahan sessiyasına hazırlıq

BSU-da yaz semestrinin imtahan sessiyasına hazırlıq

 

Bakı Slavyan Universitetində (BSU) I-III tədris illərində təhsil alan tələbələrin yaz imtahan sessiyası üzrə cari və aralıq qiymətləndirilməsi ilə bağlı güzəştlər nəzərdə tutulub.

 BSU-dan bildirilib ki, dövlət imtahanı verən və ya buraxılış işi yazan tələbələr Ümumi Orta Müvəffəqiyyət Göstəricisi (ÜOMG) əsasında dövlət imtahanından və buraxılış işinin müdafiəsindən azad olunacaqlar. ÜOMG əsasında aparılmış qiymətləndirmədən narazı qalan tələbələrə buraxılış imtahanını verməyə şərait yaradılacaq. Buraxılış tədris ili tələbələrinin təcrübə üzrə qiyməti ÜOMG balına bərabər tutulacaq. Akademik borcu olan buraxılış tədris ili tələbələrinin akademik borcları ləğv ediləcək. Buraxılış ili tələbələrinə təkrar dinləmədən 1-2 fənn üzrə onlayn qaydada imtahan verməyə imkan yaradılacaq.

Magistr dissertasiyası mövzuları, tədqiqat obyekti və predmetini əks etdirən mətn müəyyən olunmuş normativlərə uyğun elektron və kağız formasında təqdim olunacaq. Elmi rəhbərin rəyi əsasında magistr dissertasiyası kafedralarda onlayn rejimdə müzakirə ediləcək. Dissertasiya mətni plagiat proqramında yoxlanıldıqdan sonra ilkin qiymətləndirilmə keçiriləcək. Magistr dissertasiyalarının müdafiəsi onlayn formada ixtisaslaşdırılmış müdafiə şuralarında aparılacaq.

Universitetdən verilən məlumata görə, distant təhsilə tam şəkildə qoşulan I-III tədris ili tələbələrinin və magistratura səviyyəsində I tədris ili tələbələrinin cari və aralıq qiymətləndirilməsi aşağıdakı qaydada aparılır:

Tələbələrin 17 fevral-2 mart 2020-ci il tarixlərində dərsə davamiyyətinə 10 bal verilir;

 
Sərbəst işlərin yerinə yetirilməsinə 10 bal verilir;

Cari qiymətləndirmənin ÜOMG əsasında aparılması və tələbələrin dinlədikləri fənn üzrə maksimum 30 bal toplaması üçün ÜOMG-si 51-70 bal aralığında olan tələbələrə 17, 71-80 bal aralığında olan tələbələrə 20, 81-90 bal aralığında olan tələbələrə 25, 91-100 bal aralığında  olan tələbələrə isə 30 bal verilməsi məqbul hesab edilir;

Tələbələr distant təhsilə tam şəkildə qoşulduqları fənlər üzrə imtahanlardan azad olunurlar;

 ÜOMG əsasında cari və aralıq qiymətləndirilmədən azad olunan tələbələr imtahan ballarından narazı olduqları halda, onların Apelyasiya Komissiyasına onlayn formada müraciət etmələrinə şərait yaradılır.

Distant təhsilə qismən qoşulan və ya tamamilə qoşulmayan, eləcə də pandemiya səbəbindən yaz imtahan sessiyasında qeydiyyatdan keçə bilməyən tələbələrin imtahanlarda iştirak üçün qeydiyyatı fakültə və şöbələrdə iyunun 5-dək aparılır. İmtahan cədvəlləri tələbələrə iyunun 5-6-da elan ediləcək. Distant təhsilə qismən qoşulan və tamamilə qoşulmayan tələbələrin imtahanaqədərki balları distant təhsilə tam şəkildə qoşulan tələbələrdə olduğu kimi hesablanacaq.

Bundan başqa, bildirilib ki, imtahan sessiyası iyunun 10-dan iyulun 10-dək onlayn formada təşkil olunacaq. Distant təhsilə qismən qoşulan və ya qoşulmayan, yaz imtahan sessiyasında iştirak edə bilməyən akademik borcları yaranmış tələbələr üçün onlayn formada avqustun 10-dan 28-dək ödənişsiz məsləhət saatları və sentyabrın 1-dən 11-nə kimi onlayn imtahanlar keçiriləcək. Onlayn imtahanlar zamanı internet əlaqəsi kəsildiyi və ya tələbə verilmiş qrafikə uyğun imtahanda iştirak edə bilmədiyi halda fərdi qaydada təkrar onlayn imtahanlar təşkil olunacaq. Tələbələr yaz imtahan sessiyası müddətində və sentyabrın 15-dək imtahan verə bilmədikləri halda onlara növbəti imtahan sessiyaları dövründə şərait yaradılacaq.

Bütün fənlər üzrə imtahan suallarının sayı 30 faizdən az olmayaraq azaldılıb və suallar sadələşdirilib.

İmtahan sessiyasının  keçirilməsi üçün müvafiq struktur bölmələrin rəhbərləri qarşısında konkret vəzifələr qoyulub. İmtahan cavablarının yoxlanıl­ması, texniki işlərin icrası,  icmal mühazirələrinin və məsləhət saatlarının aparıl­masına  professor-müəllim heyətinin 30%-i həcmin­də, yaşı 65-dən çox olmayan əməkdaşlar sırasından cəlb ediləcək.

Qeyd olunub ki, hazırda imtahan sessiyasına hazırlığın texniki-təşkilati məsələləri həyata keçirilir. Universitetdə İmtahan Qərargahı, Apelyasiya Komissiyası və onlayn imtahanların keçirilməsi üçün xüsusi İşçi Qrupu yaradılıb. Həmçinin Nazirlər Kabineti yanında Operativ Qərargahın yeni növ koronavirus (COVİD-19) infeksiyası ilə əlaqədar verdiyi tövsiyə və tapşırıqlara, irəli sürdüyü tələblərə uyğun olaraq BSU-da tibbi-profilaktik və dezinfeksiyaedici tədbirlərin davamlı həyata keçirilməsi, universitet əməkdaşlarının şəxsi gigiyena qaydalarına ciddi riayət etmələri diqqət mərkəzində saxlanılır. Bütövlükdə  BSU yaz semestrinin imtahan sessiyasına tam hazırdır.

                  




Загрузка...
loading...

Həmçinin oxuyun:
UNEC tələbələrinə əlavə güzəştlər

UNEC tələbələrinə əlavə güzəştlər

LDU-da tələbələr imtahanların 35% -dən azad olunub

LDU-da tələbələr imtahanların 35% -dən azad olunub

Tələbələrə imtahan dövründə hansı güzəştlər ediləcək ?

Tələbələrə imtahan dövründə hansı güzəştlər ediləcək ?

MDU-nun Elmi Şurası imtahanlara hazırlığı müzakirə edib

MDU-nun Elmi Şurası imtahanlara hazırlığı müzakirə edib

Bakı Dövlət Universitetindən tələbələrə böyük güzəştlər

Bakı Dövlət Universitetindən tələbələrə böyük güzəştlər

Nazir müşaviri ali və orta ixtisas təhsili pilləsinə aid olan qərarları izah edib

Nazir müşaviri ali və orta ixtisas təhsili pilləsinə aid olan qərarları izah edib

Nazirlər Kabineti tələbələrə təqaüd verilməsi qaydasında dəyişiklik edib

Nazirlər Kabineti tələbələrə təqaüd verilməsi qaydasında dəyişiklik edib

Elçin Əfəndi: Onlayn dərslərdə iştirak edə bilməyən tələbələr yenidən imtahan verəcəklər

Elçin Əfəndi: Onlayn dərslərdə iştirak edə bilməyən tələbələr yenidən imtahan verəcəklər

Universitetlərin yay imtahan sessiyası onlayn keçirilə bilər - Cəsarət Valehov

Universitetlərin yay imtahan sessiyası onlayn keçirilə bilər - Cəsarət Valehov

Tələbələrin 80 faizi yekun dövlət imtahanından azad ediləcək

Tələbələrin 80 faizi yekun dövlət imtahanından azad ediləcək

Müzakirə olunan məsələlərlə bağlı suallar və onların cavabları

Müzakirə olunan məsələlərlə bağlı suallar və onların cavabları

“Bir Cousera sertifikatı qazanan tələbə yalnız bir imtahandan azad oluna bilər”

“Bir Cousera sertifikatı qazanan tələbə yalnız bir imtahandan azad oluna bilər”

ADPU -nun prorektoru Eldar Aslanov: ” Bizim üçün tələbənin sağlamlığı vacibdir”

ADPU -nun prorektoru Eldar Aslanov: ” Bizim üçün tələbənin sağlamlığı vacibdir”

BSU-da onlayn dərslər üçün bütün resurslar səfərbər edilib

BSU-da onlayn dərslər üçün bütün resurslar səfərbər edilib

Təqaüdlə bağlı tələbələri çaş-baş salan bütün suallara cavablar –  Hesablanma qaydaları və istisnalar

Təqaüdlə bağlı tələbələri çaş-baş salan bütün suallara cavablar – Hesablanma qaydaları və istisnalar

Bu tələbələrə yenidən imtahan vermək imkanı yaradılacaq

Bu tələbələrə yenidən imtahan vermək imkanı yaradılacaq

Qış imtahanlarından “2” alan tələbələr - MÜZAKİRƏLƏR BAŞLADI

Qış imtahanlarından “2” alan tələbələr - MÜZAKİRƏLƏR BAŞLADI

Orta ixtisas təhsili müəssisələrində kredit sistemi ilə tədrisin təşkili qaydalarına dəyişiklik edilib

Orta ixtisas təhsili müəssisələrində kredit sistemi ilə tədrisin təşkili qaydalarına dəyişiklik edilib

BSU-da qış imtahan sessiyası ilə bağlı

BSU-da qış imtahan sessiyası ilə bağlı "Açıq qapı" günü keçirilib

ADPU-da imtahan sessiyası başladı

ADPU-da imtahan sessiyası başladı

BDU tələbələrinə şad xəbər:kreditləri universitet ödəyəcək

BDU tələbələrinə şad xəbər:kreditləri universitet ödəyəcək

Əyani formada təhsil alan tələbələr üçün yeni qaydalar təsdiq olunub

Əyani formada təhsil alan tələbələr üçün yeni qaydalar təsdiq olunub

Ali məktəblərdə yay imtahanları başlayıb - Hansı təhsil ocağından şikayət var...

Ali məktəblərdə yay imtahanları başlayıb - Hansı təhsil ocağından şikayət var...

ADPU-da payız semestrinin imtahan sessiyası başa çatdı

ADPU-da payız semestrinin imtahan sessiyası başa çatdı