Xəbərlər / Valideyn
28 aprel 2020
1 361
Tələbələrin təhsil haqqının ödənilməsi məqsədilə atılacaq vacib addım – Elnur Məmmədovdan açıqlama
"Yaxın günlərdə sosial baxımdan həssas təbəqəyə aid olan tələbələrin təhsil haqqının dövlət tərəfindən ödənilməsi məqsədilə mərkəzləşdirilmiş alt sistem istifadəyə veriləcək”.
Bunu Təhsil nazirinin müşaviri Elnur Məmmədov "Pandemiyanın təhsil sahəsinə təsirləri” adlı onlayn konfransda çıxışı zamanı deyib.
Nazir müşaviri qeyd edib ki, tələbə birbaşa olaraq həmin sistemə müraciət edə biləcək:
"Alt sistem digər müvafiq dövlət orqanlarının sistemlərinə inteqrasiya edildiyindən, real rejimdə tələbənin Nazirlər Kabinetinin müəyyən etdiyi meyarlara uyğun olub-olmadığını yoxlaya biləcək”.
Elnur Məmmədov bildirib ki, hazırda ali təhsil sistemində xüsusi həssas təbəqəyə aid olan 17 min tələbə dövlət hesabına təhsil alır.
"Artıq iki tələbədən birinin dövlət hesabına təhsil aldığını vurğulayan E.Məmmədov deyib ki, 2020-ci il ərzində sosial baxımdan həssas təbəqəyə aid olan təxminən 20-22 min nəfər tələbənin təhsil haqqının ödənilməsi üçün qərar verilib”.
Qeyd edək ki, sosial baxımdan həssas əhalinin övladları üçün 40 milyon maliyyə vəsaiti ayrılıb.( AzEdu.az )
