Xəbərlər / Direktor / Müəllim
26 aprel 2020
16 505
Distant təhsilə görə müəllimin haqqını kim ödəyəcək?
Demək, artiq bir aydır ki, müəllimlər rəsmi şəkildə digər sahələrdə olduğu kimi əmək haqqı saxlamaqla məzuniyyətdədir. Nədənsə müəllimlər digər sahə sahiblərindən fərqli olaraq məzuniyyət etmək, günlərini ailələri ilə keçirmək istəmirlər. Təbii mən ekspert deyiləm. Öz fikirlərimi bölüşmək qərarına gəldim. Mənimlə razılaşmamaq olar. Əlbəttə daha tutarlı arqumentlər gətirməklə!
Əvvəlcə onlayn dərsin problemlərinə toxunmaq istəyirəm:
1. Çətindir- 40 dəqiqə zoomda dərs keçmək 2-3 real dərs keçməkdən daha yorucudur.
2. Ayrıseçkilikdir düşünün sinifdə 20 şagird var ən yaxşı halda 10-12 nəfəri girir. Bəs yerdə qalan 8-10 şagirdin haqqını kim bərpa edəcək? Əgər etmək mümkün olacaqsa, onda saxlayın bir yerdə edin olmazmı?
3. Məsuliyyət .Bəli məsuliyyət. Evdə kimlər varsa hamı sənə qulaqasir. Əks halda BDU nun dekanı kimi qınaq obyektinə çevrilirsən .
4. Keyfiyyətsizlik. Mən dərsi izah etdikdə mənim üçün həmişə şagirdin gözləri güzgü olub. Ordan hiss edirəm dersimin keyfiyyəti necədi? İndi artiq o güzgü yoxdur. Hətta şagird də yoxdur. Sinifin heç yarısı olmadığı halda olan şagirdlərin de bir hissəsi ekran və səsi bağlayıb. Bəlkə də futbol oynayır mən isə dəridən qabıqdan çıxıram.Və s.
Muəllimlərin dərs keçməsinə maraqlıdır səbəb nədir? Təbii burda çoxlu nuyanslar var. Bunların bəzilərini sadalamaq qərarına gəldim:
1.Direktor amili! Ən vacib məsələ. Məzuniyyət bütün pedaqoji kollektivə aid olsa da direktorlar məzuniyyət etmir nədənsə. Hələ vəzifə səlahiyyətlərini aşaraq muləllimlərin məzuniyyət vaxtıni pozub onlar üçün dərs cədvəli hazırlayan, bu işi görməyəne töhmət, yaxşı icra edənlərə isə fəxri fərman verenler və s. Maraqlıdır işdə olmayan bir şəxs bunu necə edə bilər? Təbii bu işdə tohmətsiz, təsəkkursuz direktor təklif verə bilər, müəllim isə könüllü icra edə bilər.
2. Şou. Tv-lərimizdəki şou proqramlar artiq təhsilimizə sirayət edib. İnanmirsizsa sabah mən musiqi sədaları altında onlayn dərs keçim. 2-3 gündən sonra artıq TV- lərdə xəbər başliqlarina çevrilərəm.
3. Qonşudan qalma dala. Hamı edir bəs mən niyə etməyim.
Bu siyahını uzatmaq olar məncə. Təbii ki, hər hansı bir şagird müraciət etsə düşünmürəm ki, bir müəllim kömək etməsin. Özüm tele-dərslərə, virtual məktəb layihələrinə müsbət baxıram. Hər şeyə rəğmən tezliklə canlı dərslərin başlanmasini diləyirəm!
P.S. Düşünək ki, kecrilmeyen günlərə görə dövlət tərəfindən yenidən günlər ayrıldı və biz öz dərslərimizi yenidən keçmək məcburiyyətində olduq. Onda keçirilən dərslərin fiziki və mənəvi yorğunluğunu hansı direktor ödəyə bilər?
Lənkəran rayonu T.Zamanov adına Ürgə kənd tam orta məktəbinin biologiya müəllimi Yaşar Kazımov
