H/N sənədlər
30 may 2016
11 622
Sual - Ödənişsiz Məzuniyyətin Maksimum Müddəti Nə Qədər Olmalıdır?
Ödənişsiz Məzuniyyətin Maksimum Müddəti Nə Qədər Olmalıdır?
Sual: "Əmək münasibətləri: A-dən Z-yə” kitabında qeyd etmisiniz ki, Əmək Məcəlləsinin (ƏM) 130-cü maddəsinə əsasən ailə, məişət və başqa sosial məsələri həll etmək üçün işçilərə 7 təqvim gününədək ödənişsiz məzuniyyət verilir. ƏM-də həmçinin, ödənişsiz məzuniyyətin müddəti 6 ay müəyyənləşdirilib. Onda bunu əsas tutaraq işçiyə 2 aylıq ödənişsiz məzuniyyət vermək olar, yoxsa müddət 7 günü keçməməlidir?
Cavab: Ödənişsiz məzuniyyətlər barədə Əmək Məcəlləsinin 130-cu maddəsində qeyd olunub. Məcəllənin 130-cu maddəsi işçinin xahişi ilə işəgötürən tərəfindən təmin olunmalı ödənişsiz məzuniyyətlərdən bəhs edir. Həmçinin, 129-cü maddədə yazılıb ki, işçi ilə işəgötürənin razılığı ilə 6 aydan çox olmayan müddətdə işçiyə ödənişsiz məzuniyyət verilə bilər. İşçinin ona hər hansı bir hal üçün 2 aylıq ödənişsiz məzuniyyət verilməsi xahişi ilə işəgötürənə müraciət etmək hüququ var. Belə hallarda mütləq işəgötürənin razılığı lazımdır. Əgər işəgötürən razı olarsa, işçiyə 2 ay müddətinə ödənişsiz məzuniyyət verilə bilər. Bu prosesin rəsmiləşdirilməsi qaydası isə adını çəkdiyiniz kitabda qeyd olunub.
