Xəbərlər / Müəllim
03 dekabr 2019
1 860
Avropa İttifaqının maliyyələşdirdiyi layihə çərçivəsində müəllimlər üçün təlim
19-29 noyabr tarixlərində yeddi şəhərdə müəllimlər üçün təlimlər keçirilmişdir.
"Fasilitasiya bacarıqları” adlı təlimlər Avropa İttifaqının maliyyə dəstəyi ilə UNICEF tərəfindən Təhsil İnstitutu ilə əməkdaşlıq çərçivəsində icra edilən "İnklüziv təhsilin genişləndirilməsi: Resurs Mərkəzlərinə texniki dəstək” layihəsi üzrə Bakı, Sumqayıt, Quba, Şəki, Ağcabədi, Gəncə və Qazax şəhərində Resurs Mərkəzlərinin yerləşdiyi 9 məktəbdə təşkil edilmişdir.
Təlimlərin keçirilməsində əsas məqsəd təhsilalanların nəticələrinin yüksəldilməsi məqsədilə müəllimlərə peşəkar qabiliyyətlərinin artırılması və əməkdaşlığın möhkəmləndirilməsi istiqamətində dəstək göstərməkdir. Təlimlərdə ümumilikdə 118 müəllim iştirak etmişdir.
"İnklüziv təhsilin genişləndirilməsi: Resurs Mərkəzlərinə texniki dəstək” layihəsinin əsas məqsədi əlilliyi olan uşaqların ölkəmizin ümumtəhsil orta məktəblərində keyfiyyətli təhsil almaq imkanlarını dəstəkləmək üçün milli imkanların inkişaf etdirilməsidir.
Qeyd edək ki, dekabr ayı ərzində layihə çərçivəsində Resurs Mərkəzlərində növbəti təlimlərin keçirilməsi nəzərdə tutulmuşdur
