Xəbərlər
02 iyul 2019
1 946
“Təhsil avtobusu” yay məktəbinə start verilir
"Azərbaycan üçün öyrət" təhsil proqramı çərçivəsində Təhsil Nazirliyinin təşkilatçılığı ilə "Təhsil Avtobusu-Nəsimi" yay məktəbi layihəsinə start verilir.
Nəsimi ilinə həsr olunan "Təhsil avtobusu” yay məktəbi artıq dördüncü ildir keçirilir.
"Təhsil avtobusu –Nəsimi” yay məktəbi bu il Bakı, Şamaxı, sərhəd və sərhədə yaxın rayonların (Qusar, Astara, Cəbrayıl rayonu Cocuq Mərcanlı kəndi, Qazax, Balakən) ümumtəhsil məktəblərinin akademik göstəriciləri zəif və orta olan V-IX sinif şagirdlərini əhatə edəcək.
Nəsimi ilinə həsr olunan yay məktəbinin məqsədi şagirdlərin şəxsi inkişafına stimul vermək, həyata fərqli baxış və dünyagörüşünün formalaşmasına təsir etmək, onların dərsə marağının artmasına şərait yaratmaq və Nəsimi yaradıcılığının tanıdılmasıdır.Yay məktəbi çərçivəsində bu istiqamətlərdə interaktiv dərslər, incəsənət, peşə və fərdi inkişaf təlimləri, intellektual yarışlar keçiriləcək. Layihəyə iyulun ikinci yarısından başlanılacaq.
"Azərbaycan üçün öyrət’’ "Azərbaycan Respublikasında təhsilin inkişafı üzrə Dövlət Strategiyası”nı dəstəkləyərək keyfiyyətli təhsil üçün bərabər imkanların yaradılmasını təmin edən təhsil proqramıdır.
