Xəbərlər / Cəmiyyət
24 iyul 2017
2 797
Yay məktəbində 400-dən artıq şagird iştirak edəcək
"Məktəblinin dostu” pilot layihəsi çərçivəsində təşkil olunan yay məktəbinin ikinci mərhələsi üçün elan edilən əlavə qeydiyyat başa çatıb.
Bakı Şəhəri üzrə Təhsil İdarəsindən Aztehsil.com-a verilən məlumata görə, yay məktəbindəki boş yerlər üçün qeydiyyat iyulun 11-dən 20-dək aparılıb. Yeddinci və səkkizinci sinfi bitirmiş şagirdlər "Məktəblinin dostu”nun soasil səhifəsində yerləşdirilən elektron qeydiyyat linki vasitəsilə qeydiyyatdan keçiblər.
Nəticələrə əsasən, ümumilikdə "Yay məktəbi”ndə avqustun 1-dən 31-dək 400-dən artıq şagird iştirak edəcək.
Qeyd edək ki, "Məktəblinin dostu” pilot layihəsi çərçivəsində reallaşdırılan "Yay məktəbi”nin iyulun 3-də açılışı olub. Hazırda "Yay məktəbi”ndə V-VI sinif şagirdləri iştirak edirlər.
